நடுக்காட்டில் முரட்டு பூனையுடன் விஜய்சேதுபதி..மனுஷன் சும்மா தெறிக்கவிடுறாரு!

வில்லனாகவும் மிரட்டி

சிறந்த நடிகராக மட்டுமல்லாமல் சிறந்த தயாரிப்பாளராகவும் தமிழ் சினிமாவில் கலக்கிக் கொண்டிருக்கும் நடிகர் விஜய் சேதுபதி ஹீரோவாக பல திரைப்படங்களில் கலக்கிக் கொண்டிருக்கும் அதேசமயம் வில்லனாகவும் மிரட்டி வருகிறார்.

நடிக்க முடியாமல்

விக்ரம் வேதா, பேட்ட ஆகிய திரைப்படங்களைத் தொடர்ந்து இப்பொழுது லோகேஷ் கனகராஜ் இயக்கத்தில் விஜய் நடித்து வரும் மாஸ்டர் திரைப்படத்திலும் கொடூரமான வில்லனாக நடித்து வரும் விஜய் சேதுபதி, தெலுங்கில் அல்லு அர்ஜுன் நடிப்பில் உருவாகும் புஷ்பா திரைப்படத்திலும் வில்லனாக நடிக்க இருந்த நிலையில் தேதி பிரச்சினை காரணமாக அதில் நடிக்க முடியாமல் போனது இப்பொழுது அந்த கதாபாத்திரத்தில் நடிகர் ஆர்யா ஒப்பந்தம் செய்யப்பட்டுள்ளார்.

முதன்முறையாக வெப் சீரிஸில்

இந்த நிலையில் தமிழ், தெலுங்கு, மலையாளம் ஆகிய மொழிகளை தொடர்ந்து இப்போது இந்தியிலும் கால் தடத்தை பதித்து வரும் விஜய் சேதுபதி ஷாகித் கபூர் முதன்முறையாக நடிக்கும் வெப் சீரிஸில் ஒப்பந்தமாகி இருக்கும் நிலையில் இதில் ஹீரோயினாக நடிகை மாளவிகா மோகனன் நடிக்க உள்ளார்.

2021 இறுதிக்குள்

அதுமட்டுமல்லாமல் லோகேஷ் கனகராஜின் அறிமுக திரைப்படமான மாநகரமும் இப்போது இந்தியில் ரீமேக் செய்யப்படும் நிலையில் அதில் சந்தீப் கிஷான் கதாபாத்திரத்தில் நடிக்க விஜய் சேதுபதி ஒப்பந்தம் செய்யப்பட்டுள்ள நிலையில் இந்த திரைப்படம் மிக விரைவில் படப்பிடிப்பு தொடங்கப்பட்டு 2021 இறுதிக்குள் வெளியிட திட்டமிடப்பட்டுள்ளது.

முரட்டு பூனையை அணைத்தவாறு

அடுத்தடுத்து திரைப்படங்களில் தொடர்ந்து வித்தியாசமான கதாபாத்திரங்களில் நடித்து இந்தியா முழுவதும் கலக்கி வரும் விஜய் சேதுபதி இப்பொழுது நடுக்காட்டில் செம ஸ்டைலிஷான காஸ்ட்யூமில் முரட்டு பூனையை கட்டி அணைத்தவாறு புத்தாண்டுக்கு வெளியிட்டுள்ள இந்த தாறுமாறு புகைப்படம் ரசிகர்களின் பாராட்டு மழையில் நனைந்து வைரலாகி வருகிறது.