Don't Miss!
- Lifestyle சனிக்கிழமையன்று இந்த கலர் ஆடைகளை அணியக் கூடாது..ஏன் தெரியுமா?
- Automobiles மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Sports IPL 2024 : ருதுராஜ் செய்த தவறு.. தவித்துப் போன சிஎஸ்கே.. LSG vs CSK போட்டியில் என்ன நடந்தது?
- News இன்று நாடு முழுக்க 60% வாக்குப்பதிவு.. நாகாலாந்தில் 6 மாவட்டத்தில் ஜீரோ வாக்குகள் பதிவு! என்ன காரணம்
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
இனி அஜித் போதும்....தல வேண்டாம்....அஜித் வைத்த புதிய கோரிக்கை
சென்னை : தமிழ் சினிமாவில் ரஜினி, கமலுக்கு பிறகு விஜய், அஜித் தான் டாப் ஸ்டார்களாக உள்ளனர். இவர்களுக்கு இருக்கும் லட்சக்கணக்கான ரசிகர்கள், தங்களின் ஃபேவரைட் ஸ்டார் தான் பெஸ்ட் என அடிக்கடி மோதிக் கொள்வது வழக்கமாக இருந்து வருகிறது.
அஜித், விஜய் இருவரும் நிஜத்தில் நல்ல நண்பர்களாக இருந்த போதிலும் அவரது ரசிகர்களின் மோதல்கள் இன்று வரை தொடர்ந்து வருகிறது. அஜித் பற்றி எந்த தகவல் வந்தாலும் அதை டிரெண்டிங் ஆக்குவதை எப்படி அவரின் ரசிகர்கள் வழக்கமாக வைத்துள்ளனரோ, அதே போல் டிரோல் செய்வதை விஜய் ரசிகர்கள் வழக்கமாக கொண்டுள்ளனர்.
எந்த ஆதாரமும் இல்லை.. நடிகை அளித்த பாலியல் புகாரில் 3 ஆண்டுகளுக்குப் பிறகு நடிகர் அர்ஜூன் விடுதலை!
ஸ்டார்களின் அடைமொழி
சினிமாவில் ஒவ்வொரு நடிகரின் பெயருக்கு முன்பும் ஒரு அடைமொழி வைத்து கூப்பிடுவது காலம் காலமாக இருந்து வருகிறது. அப்படி விஜய்க்கு இளைய தளபதி என்றும், அஜித்திற்கு அல்டிமேட் ஸ்டார் என்றும் அடைமொழி உண்டு. ஆனால் இந்த பெயர் இல்லாமல் அஜித்தை அவரது ரசிகர்கள் மட்டுமல்ல, திரையுலகை சேர்ந்த பலரும் செல்லமாக தல என்றே கூப்பிட்டு வருகின்றனர்.
தீனா படத்தில் துவங்கியது
ஏ.ஆர்.முருகதாஸ் இயக்கிய தீனா படத்தில் ரவுடி கேரக்டரில் நடித்த அஜித்தை தல என கூப்பிடுவார்கள். அப்போதிருந்து அஜித்தை தல என்றே அனைவரும் கூப்பிட்டு வருகின்றனர். இதனால் காலப் போக்கில் மீடியாக்களும் அஜித், அஜித்குமார் என குறிப்பிடுவதை விட தல அஜித் என்றே குறிப்பிட துவங்கினர். திரையுலகை சேர்ந்த பலரும் அஜித்தை மரியாதையாக தல என்றே கூப்பிட்டு வருகின்றனர்.
தலன்னா அஜித்
சினிமாவில் அஜித், கிரிக்கெட்டில் தோனி ஆகிய இருவரை மட்டுமே அவர்களின் ரசிகர்கள் தல என செல்லமாக கூப்பிட்டு வருகின்றனர். இதுவே காலப் போக்கில் பெயராகி விட்ட நிலையில், தற்போது இனி தன்னை தல என யாரும் குறிப்பிட வேண்டாம் என அஜித் கேட்டுக் கொண்டுள்ளார்.
தல வேண்டாம்; அஜித் போதும்
இது தொடர்பாக அஜித் சார்பில் அவரது மேனேஜர் சுரேஷ் சந்திரா வெளியிட்டுள்ள அறிக்கையில், பெரும் மரியாதைக்குரிய ஊடக, பொது ஜன மற்றும் என் உண்மையான ரசிகர்களுக்கு, இனி வரும் காலங்களில் என்னை பற்றி எழுதும் போதோ, என்னை பற்றி குறிப்பிட்டு பேசும் போதோ என் இயற்பெயரான அஜித் குமார் மற்றும் அஜித் என்றோ அல்லது ஏ கே என்றோ குறிப்பிட்டால் போதுமானது.
பட்ட பெயர் வேண்டாம்
தல என்றோ, வேறு ஏதாவது பட்ட பெயர்களையோ குறிப்பிட்டு அழைக்க வேண்டாம் என்று அன்போடு வேண்டுகோள் விடுக்கிறேன். உங்கள் அனைவரின் ஆரோக்கியம், உள்ள உவகை, வெற்றி, மன அமைதி, மன நிறைவு உள்ளிட்ட சகலமும் கிடைக்க வாழ்த்துகிறேன் என குறிப்பிட்டுள்ளார்.
Recommended Video
பாராட்டும் ரசிகர்கள்
இந்த அறிக்கையை பார்த்த பலரும், இதனால் தான் அவரை அனைவருக்கும் பிடிக்கிறது. எளிமையான மனிதர் என சோஷியல் மீடியாவில் புகழ்ந்து வருகிறார்கள். அஜித்தின் தீவிர ரசிகர்களோ, நீங்க என்ன சொன்னாலும் எப்பவும் நீங்க எங்களுக்கு தல தான் என கமெண்ட் செய்து வருகின்றனர்.