விஷ்ணுவர்தன் படம் முடியும் முன்பே... அடுத்த படத்துக்கு ஆயத்தமாகும் தல!

விஷ்ணுவர்தன் இயக்கத்தில் இன்னும் பெயரிடப்படாத படத்தில் நடித்துவரும் அஜீத், அந்தப் பட வேலைகள் இறுதிக் கட்டத்தை நெருங்குவதால், அடுத்த படத்துக்கான வேலைகளில் ஆயத்தமாகி வருகிறார்.

விஷ்ணுவர்த்தன் படத்தில் அஜீத் ஜோடியாக நயன்தாரா நடித்துள்ளார். பாடல் காட்சிகள் கூட படமாக்கப்பட்டுவிட்டன.

இந்தப் படத்துக்கு 'தல' என்ற தலைப்பை வைக்கலாம் என பலரும் சிபாரிசு செய்தாலும், அதற்கு சம்மதிக்காத அஜீத், கதைக்கு தேவையான பெயரை சூட்டுங்கள் என கூறி விட்டார்.

வரும் ஏப்ரல் மாதம் அஜீத் - விஷ்ணுவர்தன் படம் வெளியாகவிருக்கிறது. அதற்கு முன்பே டிசம்பரில் சிவா இயக்கும் புதிய படத்தில் நடிக்க ஆயத்தமாகிறார் தல.

இயக்குநர் சிவா ஏற்கனவே கார்த்திக்கை வைத்து சிறுத்தை படத்தை எடுத்தவர். அஜீத் நடிக்கும் படத்தின் படப்பிடிப்பை டிசம்பர் 10-ந் தேதி ஹைதராபாத்தில் அவர் துவக்குகிறார். இப்படத்துக்கு ஜெயமோகன் வசனம் எழுதுகிறார். விஜயா நிறுவனம் இந்தப் படத்தைத் தயாரிக்கிறது.