Click it and Unblock the Notifications
'இது என் பாலிசி'.. ஆரம்பம் பட விளம்பர நிகழ்ச்சிகளில் அஜீத் பங்கேற்கப் போவதில்லை
சென்னை: அஜீத் குமார் ஆரம்பம் படத்தின் விளம்பர நிகழ்ச்சிகள் கலந்து கொள்ள மாட்டார் என்று தெரிகிறது.
படத்தின் விளம்பர நிகழ்ச்சிகளில் கலந்து கொள்வதில்லை என்ற கொள்கையுடன் இருப்பவர் அஜீத் குமார். நல்ல படத்திற்கு விளம்பரம் தேவையில்லை என்று நினைப்பவர் அவர்.
இந்நிலையில் வரும் 31ம் தேதி ரிலீஸாகும் ஆரம்பம் படத்தின் விளம்பர நிகழ்ச்சிகளிலும் அவர் கலந்து கொள்ளப் போவதில்லையாம். ஆனால் ஆரம்பம் விளம்பர நிகழ்ச்சிகளில் கலந்துகொள்ளுமாறு அவருக்கு அவரது ரசிகர்கள் அன்பு கோரிக்கை விடுத்து வருகின்றனர்.
விளம்பர நிகழ்ச்சிகளுக்கு வருமாறு தயாரிப்பாளரும் அஜீத்திடம் கேட்டாராம். அதற்கு அவர், தன்னால் விளம்பர நிகழ்ச்சிகளுக்கு வர முடியாது என்றும், தான் வராமல் இருப்பது பெரிய விஷயம் இல்லை என்றும் தெரிவித்துவிட்டாராம்.
பாலிவுட் படங்களை நடிகர், நடிகைகள் ஓடி ஓடி விளம்பரம் செய்து வருகின்றனர். தற்போது அந்த பழக்கம் கோலிவுட்டுக்கும் வந்துவிட்டது.
Continue with Google