ஒரு சீன் இருக்க கூடாது.. மாத்துங்க.. கண்டிப்பாக சொன்ன அஜித்.. தல 60 படத்தில் நடந்த டிவிஸ்ட்!

யார் நடிக்கிறார்

இந்த படத்தில் அஜித் உடன் போனி கபூரின் மகள் ஜான்வி கபூர் நடிக்கிறார். தமிழில் போனி கபூரின் மகள் ஜான்வி கபூர் நடிக்கும் முதல் படமாகும் இது. ஜான்வி கபூருக்கு இந்தியில் மிகப்பெரிய அளவில் ரசிகர்கள் பட்டாளம் இருப்பது குறிப்பிடத்தக்கது.

எப்படி

இந்த நிலையில் இந்த படத்தின் கதை முழுக்க முழுக்க தீரன் படம் போல ஆக்சன் பாணியில் இருக்க போகிறதாம். அதேபோல் துப்பறியும் பாணியில் இந்த படம் இருக்கும் என்று கூறுகிறார்கள். இந்த படத்தின் சில புகைப்படங்கள் ஏற்கனவே வெளியாகி இணையத்தில் வைரலாகி வருகிறது.

நிறைய காட்சிகள்

இந்த படத்தில் நிறைய சேஸிங் மற்றும் ரேஸிங் காட்சிகள் இருக்கிறதாம். மிகவும் கடினமான ஸ்டண்ட் காட்சிகள், பைக் ரேஸ் காட்சிகள் இதில் உள்ளதும் குறிப்பிடத்தக்கது. இதற்காக சரியான லொகேஷன்களை தற்போது படக்குழு தேடி வருகிறது.

கதை மாற்றம்

இந்த நிலையில் கதையில் பெண்களுக்கு எதிராக எந்த விதமான வசனமும் இருக்க கூடாது. ஒரு காட்சி கூட பெண்களுக்கு எதிராக இருக்க கூடாது என்று அஜித் கண்டிப்பாக கூறிவிட்டார். அதேபோல் ஏதாவது காட்சிகள் இருந்தாலும் அதை கதையில் இருந்து நீக்கும்படி கூறிவிட்டார் என்கிறார்கள்.

அஜித் எப்படி

நடிகர் அஜித் கடைசியாக நடித்த நேர்கொண்ட பார்வை படம் பெண்களின் முன்னேற்றத்தை அடிப்படையாக கொண்ட முற்போக்கு படம். நடிகர் அஜித்தும் இதேபோல் இனி வரும் படங்களிலும் முற்போக்கு கருத்துக்களை மட்டும் சொல்ல திட்டமிட்டுள்ளார் என்று கூறுகிறார்கள்.