நெக்ஸ்ட் ஒருவருஷம் ரெஸ்ட்… அஜீத் அதிரடி

கொஞ்சம் கறுத்திருக்கேனோ?

சிறுத்தை சிவாவின் படத்திற்காக சுவிட்சர்லாந்து பயணம் முடித்துவிட்டு இப்போதுதான் சென்னை திரும்பியிருக்கிறார். வெயில் மட்டுமல்ல பனியும் கூட நிறத்தை மாற்றிவிடும் லேசாக கறுத்துப் போயிட்டேன்ல. சென்னை வந்துட்டேன்ல இனி கலர் வந்திடும் என்று கூலாக சொன்னார் அஜீத்.

ஆரம்பம் எப்போ?

‘ஆரம்பம்' படத்தின் வேலைகள் முழுவதும் முடிந்து விட்டது. விரைவில் ரிலீஸ் பற்றிய அறிவிப்பு வரும்.

பொங்கல் ரிலீஸ்

நாகிரெட்டி தயாரிக்க சிறுத்தை சிவா இயக்கும் படமும் கிட்டத்தட்ட முக்கால்வாசி முடிந்து விட்டது. பொங்கலுக்கு ரிலீஸ் செய்ய திட்டமிடப்பட்டுள்ளது.

நெக்ஸ்ட் ரெஸ்ட்

இந்த படங்களுக்குப் பின்னர் ஒரு வருடத்திற்கு ரெஸ்ட்தான். கால்வலி பிரச்சினையை சரி செய்யணுமே!. ஒன்றரை வருடமா அந்த வலியோடவே நடமாடிட்டு இருக்கேன்.

நாங்க லஞ்சம் வாங்கலையே

இரவு, பகல் பாக்காம கடுமையாக உழைக்கிறோம். அதனால கோடிக்கணக்கில சம்பளம் வாங்கிறோம். சம்பளம் வாங்குறதுக்கும் லஞ்சம் வாங்குறதுக்கும் வித்தியாசம் இருக்கே.

அரசியல் வேண்டாமே

நம்ம நாட்ல ஊருக்கொரு கட்சி..., சாதிக்கொரு கட்சி..., சந்துக்கொரு ரவுடின்னு நிறைய இருக்கு இதுல நான் வேற வந்து சிக்கணுமா? எனக்கு வேண்டாமே.

கடவுள் எச்சரிப்பான்

தப்புகள் எல்லை மீறும் போது கடவுள் சும்மா இருக்க மாட்டான். இயற்கையின் பல வடிவங்களில் வந்து எச்சரிப்பான் அது சுனாமி, நில நடுக்கம், நிலச்சரிவுன்னு பல வடிவங்களில் இருக்கலாம். நான் கடவுளை நம்புறேன்.

லாங் டிரைவ் போகணும்

புதிதாக வாங்கியிருக்கும் பி.எம்.டபிள்யூ பைக்கில் நீண்ட பயணம் போகவேண்டும் என்பது அஜீத்தின் ஆசை. இதற்கான பாதுகாப்பு உடைகளை சுவிட்சர்லாந்தில் வாங்கியிருக்கிறாராம். இந்த பைக் மணிக்கு 305 கிலோ மீட்டர் வேகத்தில் போகக் கூடியது. ஒருமணி நேரத்தில் சென்னையில் இருந்து திருச்சியை தொட்டுவிடலாமாம்.