ஹைதராபாத்தில் 'வீரம்' குழுவுடன் 'ஆரம்பம்' படம் பார்க்கும் அஜீத்

ஹைதராபாத்: அஜீத் வீரம் படக்குழுவினருடன் சேர்ந்து ஆரம்பம் படத்தை இன்று ஹைதராபாத்தில் உள்ள தியேட்டரில் பார்க்கவிருக்கிறார்.

அஜீத், ஆர்யா, நயன்தாரா, டாப்ஸி நடித்துள்ள ஆரம்பம் படம் இன்று ரிலீஸ் ஆகியுள்ளது. இந்நிலையில் அஜீத் குமார் சிறுத்தை சிவா இயக்கத்தில் வீரம் படத்தின் படப்பிடிப்பில் பிசியாக உள்ளார். வீரம் படப்பிடிப்பு ஹைதராபாத்தில் நடைபெற்று வருகிறது.

இன்று அஜீத், வீரம் படக்குழுவின் விதார்த், முனீஷ், சுஹைல், பாலா மற்றும் இயக்குனர் சிவாவுடன் சேர்ந்து ஹைதராபாத்தில் உள்ள தியேட்டர் ஒன்றில் ஆரம்பம் படத்தை பார்க்கவிருக்கிறார்.

தமன்னாவுக்கு பிற வேலைகள் இல்லை என்றால் அவரும் படம் பார்க்க வருகிறார்.