அல்லு சிரிஷ் திருமண கொண்டாட்டம் ஆரம்பம்.. துபாயில் அல்லு அர்ஜுன் டிரெஸ்ஸை பார்த்தீங்களா!

துபாய்: நடிகர் அல்லு சிரிஷ் மற்றும் அவரது காதலி நயனிகா ரெட்டி ஆகியோரின் திருமணக் கொண்டாட்டங்கள் துபாயில் நடந்த நெருக்கமான உறவினர்களுடன் சொகுசு படகு விருந்துடன் அதிகாரப்பூர்வமாகத் தொடங்கியுள்ளன.

அல்லு அர்ஜுன் மற்றும் அவரது மனைவி ஸ்னேகா ரெட்டி உள்ளிட்ட நெருங்கிய நண்பர்கள், குடும்பத்தினர் இந்த நிகழ்ச்சியில் கலந்துகொண்டனர். துபாயின் கண்கவர் பின்னணியில், சிரிப்பு, இசை மற்றும் உணர்வுப்பூர்வமான தருணங்களுடன் இந்த கொண்டாட்டம் களைகட்டியது.

இந்த கொண்டாட்டங்கள் குறித்து நடிகர் சிரிஷ் பகிர்ந்துகொண்டபோது, "எங்கள் திருமணக் கொண்டாட்டங்களை இப்படித் தொடங்குவது முற்றிலும் மேஜிக்காக உள்ளது எனக் கூறியுள்லார். அமெரிக்கா, மும்பை, பெங்களூருவிலிருந்து என் நண்பர்கள் இந்த நிகழ்ச்சிக்காக வந்திருந்தனர். இது அவர்களுக்கு ஹைதராபாத்தில் உள்ள என் நண்பர்களைச் சந்திப்பதற்கும் பழகுவதற்கும் ஒரு அரிய வாய்ப்பாக அமைந்தது," என்று குறிப்பிட்டுள்ளார்.

மேலும் அவர், "நயனிகா மற்றும் எங்கள் நெருங்கிய குடும்பத்தினர், நண்பர்களுடன் ஒன்றாகச் சிரித்து, நடனமாடி, ஒவ்வொரு தருணத்தையும் ரசித்தது என்றுமே பொக்கிஷமாகப் பாதுகாக்கப்படும் ஒரு நினைவாகும். எங்கள் வாழ்க்கையின் இந்த அற்புதமான புதிய அத்தியாயத்திற்கு இது ஒரு சரியான தொடக்கமாகும். இதைவிட ஒரு அழகான கொண்டாட்டத்தை எங்களால் கேட்டிருக்க முடியாது," என்றும் நெகிழ்ச்சியுடன் தெரிவித்துள்ளார்.

இந்த நிகழ்ச்சி மணமக்களின் நெருங்கிய வட்டத்தை ஒரு நிதானமான, ஆனால் சுவாரஸ்யமான மாலைப்பொழுதில் ஒன்றிணைத்தது. இந்த முன் திருமண கொண்டாட்டம் மார்ச் 6ஆம் தேதி நடைபெறவிருக்கும் அவர்களின் திருமணம் வரையிலான தொடர் நிகழ்ச்சிகளுக்கு ஒரு சிறந்த தொடக்கமாக அமைந்துள்ளது.

View this post on Instagram

A post shared by Allu Sirish (@allusirish)

சிரிஷ் கடந்த டிசம்பர் மாதம் தனது திருமணத் தேதியை அறிவித்திருந்தார். தனது சகோதரர் அல்லு அர்ஜுன் மற்றும் ஸ்னேகா ரெட்டி திருமணம் செய்த அதே தினமான மார்ச் 6ஆம் தேதி நாயனிகாவை மணக்கப் போவதாக அவர் தெரிவித்திருந்தார். சிரிஷ் தனது மருமகள்கள் மற்றும் மருமகன்களுடன் இடம்பெற்ற ஒரு வைரல் ரீல் மூலம் இதை வெளியிட்டார்.

இந்த தற்செயல் நிகழ்வு குறித்து பேசிய அல்லு சிரிஷ், "எங்கள் திருமணத் தேதிகள் ஜாதகம் மற்றும் குண்டலிகளின்படி தீர்மானிக்கப்பட்டபோது, பிப்ரவரி 25 மற்றும் மார்ச் 6 ஆகிய இரண்டு சிறப்பான தேதிகள் கொடுக்கப்பட்டன. அடுத்து, எங்கள் இடத்தின் கிடைக்கும் தன்மைக்கு ஏற்ற தேதியைத் தேர்வு செய்ய வேண்டும் என்று நினைத்தோம். அது தற்செயலாக மார்ச் 6 ஆக அமைந்துவிட்டது," என்று விளக்கினார்.

அப்போதுதான் தங்கள் திருமண தேதியை "பன்னி மற்றும் ஸ்னேகா"வின் தேதியுடன் பகிர்ந்துகொள்வதற்கான இந்த "மிகவும் மகிழ்ச்சியான தற்செயல் நிகழ்வை" உணர்ந்ததாக நடிகர் தெரிவித்தார். "அவரது தேதி எங்கள் அனைவருக்கும் மிகவும் ஆழமான அர்த்தமுள்ள நாளாக இருந்து வருகிறது, அதே நாளில் நான் நாயனிகாவை திருமணம் செய்வது ஒரு ஆசீர்வாதம்... இது விதி போன்றது! என் சகோதரரும் ஸ்னேகாவும் சேர்ந்து கட்டியெழுப்புள்ள வாழ்க்கையைப் பார்ப்பது - அன்பு, மரியாதை மற்றும் பகிரப்பட்ட வளர்ச்சி - எனக்கு மிகவும் உத்வேகம் அளிப்பதாக உள்ளது," என்று அவர் கூறினார்.

நடிகர் மேலும், "நான் மற்றும் நயனிகா இந்த புதிய அத்தியாயத்திற்குள் அடியெடுத்து வைக்கும்போது, அனுபவங்கள், புரிதல், அன்பு மற்றும் எல்லாவற்றிற்கும் மேலாக பரஸ்பர மரியாதை நிறைந்த ஒரு பயணத்தை உருவாக்க வேண்டும் என்பதே என் விருப்பம்," என்று முடித்தார்.