Don't Miss!
- Automobiles சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
தோல்வி நாயகன் ஆர்யாவின் புதிய படத்தைத் தயாரிக்கும் ஜீவா... நட்புக்காக
சென்னை: நடிகர் ஆர்யாவின் அடுத்த படத்தை தனது சூப்பர் குட் பிலிம்ஸ்க்காக தயாரித்து அவரைக் கைதூக்கிவிட முன்வந்திருக்கிறார் ஜீவா.
திரையுலகில் ஆர்யா - ஜீவாவிற்கிடையே நல்லதொரு நட்பு இருக்கிறது. ஜீவா நடித்த சிவா மனசுல சக்தி படத்தில் ஆர்யா சிறப்புத் தோற்றத்தில் நடிக்க, பதிலுக்கு அவரின் பாஸ் என்கின்ற பாஸ்கரன் மற்றும் இஞ்சி இடுப்பழகி போன்ற படங்களில் நடித்துக் கொடுத்தார் ஜீவா.
இந்நிலையில் நட்புக்காக ஆர்யாவின் புதிய படத்தைத் தயாரிக்க முன்வந்திருக்கிறார் ஜீவா.
ஆர்யா
தமிழ் சினிமாவில் வளர்ந்து வரும் நடிகர்களில் முக்கியமானவர் ஆர்யா. உள்ளம் கேட்குமே படம்தான் ஆர்யாவின் அறிமுகப் படம் என்றாலும் அறிந்தும் அறியாமலும் முந்திக் கொண்டது. தொடர்ந்து பட்டியல், கலாபக்காதலன், நான் கடவுள் ஆகிய படங்களில் நடித்தார். இதில் நான் கடவுள் திரைப்படம் ஆர்யாவின் நடிப்பிற்கு ஒரு சான்றாக அமைந்தது.
மதராசப்பட்டினம்
ஆர்யா நடித்த மதராசப்பட்டினம், பாஸ் என்கின்ற பாஸ்கரன் ஆகிய படங்கள் ஆர்யாவை வசூல் நாயகன் அந்தஸ்திற்கு அழைத்துச் சென்றன. அதற்குப் பின்னர் வெளிவந்த படங்கள் காலை வார அந்த நேரத்தில் ராஜா ராணி வந்து ஒரு திருப்பத்தைக் கொடுத்தது.
தடுமாறும் ஆர்யா
மீகாமன் தொடங்கி தொடர்ந்து வெளியான புறம்போக்கு என்கின்ற பொதுவுடைமை, யட்சன், வாசுவும் சரவணனும் ஒண்ணாப் படிச்சவங்க மற்றும் கடைசியாக வெளியான இஞ்சி இடுப்பழகி என்று வரிசையாக 5 தோல்விப் படங்களை ஆர்யா கொடுத்திருக்கிறார்.தற்போது இவரின் கையில் பெங்களூர் டேஸ் படத்தின் ரீமேக் மட்டுமே இருக்கிறது.
பிளேபாய் வேடங்கள்
வரிசையான தோல்விகளால் அதிந்து போன ஆர்யா தற்போது சுதாரித்துக்கொண்டு இனி பிளேபாய் மற்றும் நகைச்சுவை வேடங்களை ஏற்பதில்லை என்ற முடிவுக்கு வந்திருக்கிறார். மேலும் தன்னைத் தேடிவரும் இயக்குநர்களிடம் கனமான வேடங்கள் இருந்தால் கதை சொல்லும்படி வேண்டுகோள் விடுத்து வருகிறாராம்.
ஆர்யா - ஜீவா
தமிழ்த் திரையுலகைப் பொறுத்தவரை ஆர்யா - ஜீவாவிற்கிடையே நல்லதொரு நட்பு இருக்கிறது. ஜீவா நடித்த சிவா மனசுல சக்தி படத்தில் ஆர்யா சிறப்புத் தோற்றத்தில் நடிக்க, பதிலுக்கு அவரின் பாஸ் என்கின்ற பாஸ்கரன் மற்றும் இஞ்சி இடுப்பழகி போன்ற படங்களில் நடித்துக் கொடுத்தார் ஜீவா.
இந்நிலையில் நட்புக்காக ஆர்யாவின் புதிய படத்தை தனது சூப்பர் குட் பிலிம்ஸ் சார்பாக தயாரிக்க முன்வந்திருக்கிறார் ஜீவா.
மஞ்சப்பை இயக்குநர்
ஆர்யாவின் புதிய படத்தை விமல், ராஜ்கிரண் இணைந்து நடித்த மஞ்சப்பை படத்தை இயக்கிய ராகவன் இயக்கவிருக்கிறாராம். விரைவில் கதாநாயகி மற்றும் தொழிநுட்பக் கலைஞர்கள் ஆகியவற்றை முடிவு செய்த பின்னர், படத்தைப் பற்றிய முறையான அறிவிப்புகள் வெளியாகும் என்று எதிர்பார்க்கப் படுகிறது. அதே நேரத்தில் ராகவன் மஞ்சப்பை படத்தின் கன்னட ரீமேக்கை வெளியிடும் முயற்சிகளில் தற்போது தீவிரமாக ஈடுபட்டு வருகிறார்.