விருதும் கையுமாக விஷால்… அவர் மகிழ்ச்சிக்கு காரணம் என்ன ?

பாதை மாறிய விஷால்

சில வருடங்களுக்கு முன்பு நடிகர் விஷால் தொடர்ந்து பல ஹிட் படங்களை தந்தவர். விஜய் அஜித்துக்கு போட்டி என பலரால் பேசப்பட்டவர். அதன்பிறகு அவர் நடித்த பல படங்கள் தோல்வியை தழுவின. கதைகள் தேர்ந்தெடுப்பதில் இயக்குனரை தேர்வு செய்வதில் அவரது கவனம் சிதறியது போல அவர் தொட்டதெல்லாம் தோல்வியில் முடிந்தன.

சர்ச்சை நாயகனான விஷால்

நடிகர் விஷால் தான் நடிக்கும் படப்பிடிப்புகளுக்கு சரியாக வருவதில்லை அதனால் தயாரிப்பு நிறுவனங்களுக்கு பெரும் நஷ்டம் எனும் புகார் பரவலாக பேசப்பட்டது. அதனால் பல தயாரிப்பாளர்கள் அவரை கதாநாயகனாக வைத்து படம் எடுப்பதற்கு தயங்கினர். அதோடு, விஷால் ஹைதராபாத் பெண்ணான அனீஸ் அல்லா வை திருமணம் செய்வதற்காக நிச்சயம் செய்து அது பாதியிலேயே நிறுத்தப்பட்டது விஷாலை மேலும் சர்ச்சையில் சிக்க வைத்தது. இப்படியாக அவர் தொடர்ந்து சர்ச்சைகளில் சிக்கி வந்துள்ளார்.

தொடர் தோல்விகள்

இயக்குனர் மிஷ்கின் இயக்கிய துப்பறிவாளன் திரைப்படம் விஷால் நடித்து கடைசியாக வெற்றி பெற்ற தமிழ் படம். டிடெக்டிவ் ஆக நடித்து ரசிகர்களிடையே பெரும் வரவேற்பை பெற்றார். அதன்பிறகு அவர் நடித்த ஆக்சன், சக்கரா, எனிமி, வீரமே வாகை சூடும் போன்ற படங்கள் அவர் எதிர்பார்த்த அளவுக்கு வெற்றி பெறாமல் அவருக்கு ஏமாற்றத்தை தந்தன. தற்போது விஷால் துப்பறிவாளன் 2 படத்தை தானே இயக்கி வருகிறார்.

Youth Icon

சமீபத்தில் நடிகர் சங்கத் தேர்தல் முடிவுகள் வெளியாகி விஷால் அணி வெற்றி பெற்றதாக அறிவித்தனர். தொடர்ந்து பல சோதனைகளுக்குப் பிறகு ஒரு வெற்றியாக அவருக்கு அமைந்தது. இது விஷால் தொடர்ந்து இரண்டாவது முறையாக ஜெயிப்பது ஆகும். இதோடு கூடுதல் மகிழ்ச்சியாக " start up india " magazine தரப்பில் விஷாலுக்கு சிறந்த தயாரிப்பாளர் மற்றும் Youth Icon விருது வழங்கப்பட்டுள்ளது. நடிகர் விஷால் அதை தனது இன்ஸ்டாகிராம் பக்கத்தில் பதிவிட்டுள்ளார்.