Don't Miss!
- Sports RR VS DC - பேட்ஸ்மேன்களை குறை சொன்ன ரிஷப் பண்ட்.. பவுலிங்கில் அந்த வீரரும் சொதப்பிவிட்டார் என குட்டு
- News பேராசான் பெரியார் மண்ணில் இருந்து.. இன்று பிரசாரத்தை தொடங்கும் முன்னரே சரவெடி கொளுத்திய கமல்ஹாசன்!
- Finance திருமணமான இந்துக்கள் கூடுதலாக வரி சேமிப்பதற்கான வழிமுறைகள் – ஜெரோதா CEO சொன்ன ஐடியா..!
- Automobiles அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- Lifestyle Today Rasi Palan 29 March 2024: இன்று இந்த ராசிக்காரர்களின் நிதி நிலை வழக்கத்தை விட சிறப்பாக இருக்கும்...
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
முன்னணியில் 'வெத்தலையைப் போட்டேண்டி'
ரஜினியின் சூப்பர் ஹிட் படமான பில்லா ரீமேக் ஆகி அஜீத் நடிப்பில் வெளியாகவுள்ளது. இன்னும் சில தினங்களில் திரைக்கு வரவுள்ள பில்லா படத்தின் பாடல்கள் வெளியாகியுள்ளது.
யுவன் ஷங்கர் ராஜாவின் இசையில் பாடல்கள் ஹிட் ஆகியுள்ளன. இதுவரை முதலிடத்தில் இருந்து வந்த ஏ.ஆர்.ரஹ்மானின் அழகிய தமிழ் மகனை பின்னுக்குத் தள்ளியுள்ளதாம் பில்லா படப் பாடல்கள்.
3 நாட்களுக்கு முன்பு பில்லா படப் பாடல்கள் வெளியாகின. முதல் நாளிலேயே 25 ஆயிரம் சிடிக்களும், கேசட்டுகளும் விற்றுத் தீர்ந்துள்ளதாம்.
சிவாஜிக்குப் பிறகு சமீபத்தில், ஆடியோ கேசட்டுக்கள் படு வேகமாக விற்று வரும் படம் பில்லா என்பது கேசட் கடைக்காரர்களின் கருத்து.
இந்த செய்தியால் அஜீத் குஷியாகியுள்ளார். அவர் மட்டுமல்லாமல் யுவன் ஷங்கர் ராஜாவும் சந்தோஷமாகியுள்ளார். காரணம், தீபாவளிக்கு வெளியான 3 படங்களில் அவரது இசைதான். ஆனால் அந்தப் படங்களில் இடம் பெற்ற பாடல்களில் ஒன்றிரண்டைத் தவிர மற்றவை பெரிய அளவில் பேசப்படவில்லை.
ஆனால் பில்லா படத்திற்கு அவர் இசையமைத்துள்ள பாடல்கள் ஹிட் ஆகி விட்டன. குறிப்பாக மை நேம் இஸ் பில்லா, வெத்தலையைப் போட்டேண்டி ஆகிய இரு ரீமிக்ஸ் பாடல்களும் சூப்பர் ஹிட் ஆகியுள்ளன.
பில்லா ஆடியோ விற்பனை குறித்து அதை வெளியிட்டுள்ள அய்ங்கரண் ஆடியோஸ் நிறுவனம் கூறுகையில், இப்படி ஒரு வரவேற்பு கிடைக்கும் என நாங்கள் எதிர்பார்க்கவில்லை. மிகப் பெரிய அளவில் விற்பனை நடந்து வருகிறது.
முதல் கட்டமாக வெளியிட்ட சிடிக்களும், கேசட்டுக்களும் விற்று விட்டதால் அடுத்து புதிதாக 15 ஆயிரம் சிடிக்கள் மற்றும் கேசட்டுக்களுக்கு ஆர்டர் கொடுத்துள்ளோம்.
அழகிய தமிழ் மகனை பில்லா 2வது இடத்திற்குத் தள்ளி முதலிடத்தைப் பிடித்துள்ளதாம்.