சோனாக்ஷி குண்டாக என் தம்பி தான் காரணம்: சல்மான் கான்

தபாங்

பாலிவுட் நடிகர் சத்ருகன் சின்ஹாவின் மகள் சோனாக்ஷி கடந்த 2010ம் ஆண்டு வெளியான சல்மான் கானின் தபாங் படம் மூலம் நடிகையானார்.

தபாங் 2

தபாங் வெற்றியை அடுத்து சல்மானின் தம்பி அர்பாஸ் கான் தனது அண்ணன் மற்றும் சோனாக்ஷியை வைத்து இரண்டாம் பாகத்தை எடுத்துள்ளார். இந்த படம் நாளை ரிலீஸ் ஆகிறது.

சோனாக்ஷி குண்டானது ஏன்?

தபாங் 2ல் 3-4 மாத கர்ப்பிணியாக வருகிறாராம் சோனாக்ஷி. அதனால் தான் அவரை வெயிட் போடச் சொல்லியிருக்கிறார் இயக்குனர் அர்பாஸ். இது தெரியாமல் பலர் சோனாக்ஷி குண்டாகிவிட்டார், குண்டாகிவிட்டார் என்று சகட்டுமேனிக்கு விமர்சித்து வருகின்றனர்.

பாவம் சோனாக்ஷி

படத்திற்காக சோனாக்ஷி வெயிட் போட்டதற்காக கடும் விமர்சனத்திற்குள்ளாகி வருகிறார். தபாங் ரிலீஸான மறு வருஷமே இரண்டாம் பாகத்தின் வேலைகளை துவங்கிவிட்டோம். அதனால் சோனாக்ஷியிடம் எனக்கு எந்த வித்தியாசமும் தெரியவில்லை. அவர் ஒரு திறமையான நடிகை என்றார் சல்மான் கான்.

கப்பார் சிங், ஒஸ்தி

தபாங் படத்தை தமிழில் சிம்புவை வைத்து ஒஸ்தி என்று எடுத்தார்கள். ஆனால் படம் ஊத்திக் கொண்டது. அதே படத்தை தெலுங்கில் பவன் கல்யாணை வைத்து ரீமேக் செய்தனர். படம் பிச்சிக்கிட்டு ஓடியது.