விசுவாசம் ஷூட்டிங்கில் குரூப் டான்சர் திடீர் மரணம்.. ரூ. 8 லட்சம் கொடுத்து உதவிய அஜித்!

திடீர் உடல்நலக்குறைவு:

கடந்த சனிக்கிழமையன்று படப்பிடிப்பு நடந்து கொண்டிருந்தபோது, அஜித்திற்கு பின்புறம் ஆடிக் கொண்டிருந்த குரூப் டான்சர்களில் சரவணன் என்பவருக்கு திடீர் உடல்நலக் குறைவு ஏற்பட்டது. வாந்தி எடுத்து மயங்கி விழுந்த அவரை ஓய்வெடுக்க வைத்துள்ளனர்.

மருத்துவமனை:

ஆனால் அவரது உடல்நிலை மோசமாகவே அஜித் அவரை மருத்துவமனைக்கு அழைத்துச் செல்ல அறிவுறுத்தியுள்ளார். படப்பிடிப்பு நடந்த இடத்தில் இருந்து சுமார் 5 கிமீ தொலைவில் மருத்துவமனை இருந்துள்ளது. இதனால் படப்பிடிப்பை நிறுத்திவிட்டு அவரை மருத்துவமனைக்கு அழைத்துச் சென்றுள்ளனர்.

விமானம்:

ஆனால் மருத்துவமனைக்கு செல்லும் வழியிலேயே அவர் பரிதாபமாக உயிரிழந்தார். இதைக் கேட்டு அதிர்ச்சியடைந்த அஜித், சரவணனின் உடலை புனேயில் இருந்து சென்னைக்கு விமானம் மூலம் எடுத்துச் செல்ல ரூ 8லட்சம் பணம் கொடுத்து நிதியுதவி செய்துள்ளார்.

சோகம்:

சரியான நேரத்தில் அஜித் செய்த உதவியால் சரவணனின் உடல் சென்னை சைதாப்பேட்டைக்கு கொண்டு வரப்பட்டது. குரூப் டான்சரான சரவணனின் திடீர் மரணத்தால் அஜித் உட்பட படக்குழுவினர் அனைவரும் சோகத்தில் ஆழ்ந்தனர்.