‘வேலையில்லாப் பட்டதாரி’... இதாங்க தனுஷின் 25வது படத்தின் பெயர்

Updated: Friday, August 16, 2013, 8:46 [IST]

சென்னை: சுதந்திர தினமான நேற்று தனுஷின் 25வது படத்தின் தலைப்பு அறிவிக்கப்படும் என ஏற்கனவே தெரிவித்திருந்தார்கள். அதன் படி தனுஷின் படப்பெயர் நேற்று வெளியிடப்பட்டது.

ஒளிப்பதிவாளர் வேல்ராஜ் இயக்கத்தில் உருவாகும் தனுஷின் 25வது படத்திற்கு 'வேலையில்லாப் பட்டதாரி ' எனப் பெயரிடப்பட்டுள்ளது.

கடந்த மாதம் தந்து 30வது பிறந்தநாளைக் கொண்டாடிய தனுஷ், அன்று தனது 25வது படம் பற்றிய அறிவிப்பை வெளியிட்டார். அதில் தனது பொல்லாதவன், ஆடுகளம் மற்றும் 3 படங்களில் ஒளிப்பதிவாளாராக பணியாற்றிய வேல்ராஜின் இயக்கத்தில் தனது அடுத்தப் படம் எனத் தெரிவித்திருந்தார்.

ஜாப்லெஸ் கிராஜுவேட்....

அப்படத்திற்கான அதிகாரப்பூர்வ அறிவிப்பு சுதந்திர தினமான நேற்று அறிவிக்கப் படும் என சொல்லப்பட்டது. அதன் பேரில், தனது 25வது படத்திற்கு ‘வேலையில்லா பட்டதாரி' எனப் பெயர் சூட்டியுள்ளனர். இதனை தனுஷ் அதிகாரப்பூர்வமாகத் தெரிவித்துள்ளார்.