‘காதல் கொண்டேன்’ ஹிந்தி ரீமேக்.. லட்ச ரூபாய் அட்வான்ஸ் வாங்கிய தனுஷ்: போனிகபூர் புது தகவல்

பிரபல தயாரிப்பாளார்...

பாலிவுட்டில் மிஸ்டர். இந்தியா, புஹார், வாட்டட் போன்ற வசூல் சாதனை படைத்த படங்களைத் தயாரித்தவர் போனிகபூர். இவர் நம்மூர் ஸ்ரீதேவியின் கணவரும் ஆவார்.

காதல் கொண்டேன் ரீமேக்...

இவர் தனது சமீபத்திய பேட்டி ஒன்றில் தனுஷ் பற்றி பரபரப்பான குற்றச்சாட்டு ஒன்றைத் தெரிவித்துள்ளார். அதில், தனுஷின் இரண்டாவது படமான காதல் கொண்டேன் படத்தை தான் மிகவும் ரசித்துப் பார்த்ததாகவும், அப்படத்தை ஹிந்தியில் ரீமேக் செய்ய விரும்பியதாகவும் தெரிவித்துள்ளார்.

டோக்கன் அட்வான்ஸ்....

மேலும், அப்பட விஷயமாக தான் தனுஷை சந்தித்ததாகவும், டோக்கன் அட்வான்ஸாக ஒரு லட்ச ரூபாய் கொடுத்ததாகவும் தெரிவித்துள்ளார்.

பத்து வருடங்களுக்கு முன்னரே...

பின்னர், இருவருமே தங்களது படங்களில் பிசியாகிப் போனதால் பட வேலைகளைத் தொடர முடியாமல் போனதாகவும், இல்லையேல் கடந்த பத்து வருடங்களுக்கு முன்னரே தனுஷ் ஹிந்தியில் அறிமுகமாகியிருப்பார் என கூறியுள்ளார் போனி.