தனுஷ் தான் நம்பர் 1... ஆதாரப்பூர்வமான உண்மை!

தனுஷ்

நடிகர், தயாரிப்பாளர், இயக்குனர், பின்னணி பாடகர், பாடலாசிரியர் என பன்முகக் கலைஞனாக திகழ்பவர் தனுஷ். தற்போது 'வடசென்னை', 'எனை நோக்கி பாயும் தோட்டா', 'மாரி 2' ஆகிய படங்களிலும் ஹாலிவுட்டில் 'த எக்ஸ்ட்ராடினரி ஜர்னி ஆஃப் ஃபகிர்' படத்திலும் நடித்து வருகிறார்.

தயாரிப்பாளர்

நடிப்பதோடு, ரஜினி நடிக்கும் 'காலா' மற்றும் தான் நடிக்கும் சில படங்களையும் தயாரிக்கிறார் தனுஷ். தனுஷ் ட்விட்டரில் எப்போதும் ஆக்டிவ்வாக இருப்பவர். தன் படம் தொடர்பான தகவல்களை பெரும்பாலும் ட்விட்டரில் தான் தெரிவிப்பார்.

புதிய மைல்கல்

இதனால் அவரை ட்விட்டரில் பின் தொடர்பவர்களின் எண்ணிக்கை நாளுக்கு நாள் உயர்ந்து வருகிறது. தற்போது அவரை பின் தொடர்பவர்களின் எண்ணிக்கை 7 மில்லியனை கடந்துள்ளது. இதன்மூலம், ட்விட்டரில் தென்னிந்தியாவிலேயே அதிக ஃபாலோயர்களை கொண்ட நம்பர் 1 நடிகர் எனும் பெருமை தனுஷுக்கு கிடைத்துள்ளது.

கமல்

உலகம் முழுக்க ரசிகர்களைக் கொண்டிருக்கும் சூப்பர்ஸ்டார் ரஜினிக்கு 4.58 மில்லியன் ஃபாலோயர்ஸ் உள்ளனர். உலகநாயகன் கமலுக்கு 4.31 மில்லியன் ஃபாலோயர்ஸ் உள்ளனர். விஜய்க்கு 1.44 மில்லியன் ஃபாலோயர்ஸ் மட்டுமே உள்ளனர். அஜித்துக்கு ட்விட்டரில் அக்கவுன்டே இல்லை.

தென்னிந்திய நடிகர்களில் நம்பர் 1

தமிழ் சினிமாவின் முன்னணி நடிகர்கள் அனைவரையும் முந்தி முதலிடத்தில் இருக்கிறார் தனுஷ். பல துறைகளிலும் தனுஷின் வளர்ச்சியைப் பார்த்து, மற்ற நடிகர்களின் ரசிகர்களே வாயைப் பிளக்கிறார்கள் என்பதுதான் உண்மை.