'ஆ' படத்தில் கிம்முடன் நடிக்கிறாரா தனுஷ்?

மும்பை: பார் அடல்ட்ஸ் ஒன்லி படத்தில் நடிப்பதற்காக தனுஷ் அணுகப்பட்டுள்ளாராம். இதில் கிம் கர்தஷியானும் நடிக்கவுள்ளதால், கிம் படத்தில் தனுஷ் நடிப்பாரா என்ற எதிர்பார்ப்பு எழுந்துள்ளது.

பார் அடல்ட்ஸ் ஒன்லி என்ற பெயரில் தமிழ், தெலுங்கு மற்றும் இந்தியில் ஒரு படம் தயாராகிறது. முற்றிலும் முழுமையான முதல் செக்ஸ் படமாக இது வர்ணிக்கப்படுகிறது. இதில் கிம் கர்தஷியான் முக்கிய வேடத்தில் நடிக்கவுள்ளார்.

அவருடன் நடிக்க தற்போது தனுஷை அணுகியுள்ளதாக செய்திகள் வெளியாகியுள்ளன. பைசல் சைப் இயக்கும் இப்படம் கிம்முக்கு முதல் இந்தியப் படமாக அமையும். படத்தில் நடிக்க கிம் சம்மதம் தெரிவித்து விட்டதாகவும் தகவல்கள் கூறுகின்றன.

ஆனால் இப்படத்தில் நடிக்க தனுஷ் சம்மதித்து விட்டாரா என்பது குறித்துத் தெரியவில்லை. இருப்பினும் விரைவில் அவர் இப்படத்தில் நடிப்பார் என்று நம்பப்படுகிறது.

ஏற்கனவே பிரெஞ்சு - ஹாலிவுட் தயாரிப்பு ஒன்றில் தனுஷ் நடிக்க ஒப்பந்தமாகியுள்ளார். மரிஜனே சத்ராப்பி இந்தப் படத்தை இயக்குகிறார்.

பார்க்கலாம் கிம்மையும், தனுஷையும் ஒரே ஸ்கிரீனில் பார்க்க முடியுமா என்பதை!