வேலை இல்லா பட்டதாரி ரூ.50 கோடி வசூல்: தனுஷ் மகிழ்ச்சி

விஐபி ஆன தனுஷ்

வேலையில்லாமல் சுற்றி திரியும் பொறியியல் பட்டதாரி நாயகன் அனைத்து எதிர்ப்புகளையும் சமாளித்து தனது பணியில் எவ்வாறு வெற்றி பெறுகிறான் என்பது கதை.

கல்லூரி மாணவர்கள்

இந்த படத்தின் வெற்றிக்கு முக்கிய காரணம், இந்த படத்தின் கதை கல்லூரி மாணவர்களிடையே மிக பெரிய தாக்கத்தை ஏற்படுத்தி உள்ளது.

முதல் வாரத்தில் வசூல்

தனது இயல்பான நடிப்பின் மூலம் பொறியியல் படிப்பிற்கு பின் உள்ள வாழ்க்கையை காட்டியுள்ளார். இந்த படம் முதல் வாரத்தில் தமிழகத்தில் மட்டும் 20 கோடி வசூலித்தது. நடிகர் தனுஷ் நடிப்பில் திரையிடப்பட்ட முதல் நாளில் அதிகம் வசூல் செய்த படமாகவும் இது உள்ளது.

ரூ.50 கோடி வசூல்

வேலையில்லா பட்டதாரி படம் இதுவரை ரூ.50 கோடி வசூலித்துள்ளதாக தனுஷ் கூறியுள்ளார். உலக அளவில் தியேட்டர்களில் இந்தப் படம் வெற்றி நடை போடுகிறது என்று டுவிட்டரில் தனது மகிழ்ச்சியை வெளிப்படுத்தியுள்ளார் தனுஷ்.

ரசிகர்கள் வரவேற்பு

ஆடுகளம் தனுஷிற்கு தேசிய விருதை பெற்று தந்தாலும் ரசிகர்கள் மத்தியில் பெரிய வெற்றியை பெற்று தரவில்லை. இதனையடுத்து அமைந்த படங்கள் அனைத்துமே தோல்வி படங்கள்தான். எனவே தனுஷிற்கு முக்கியமான வெற்றி படமாக வேலையில்லா பட்டதாரி படம் அமைந்துள்ளது.