கோச்சடையான் ராக்கிங்: சொல்கிறார் 'தல' ரசிகரான சிம்பு

சென்னை: கோச்சடையான் படம் பார்த்த நடிகர் சிம்பு இயக்குனர் சௌந்தர்யா ரஜினிகாந்துக்கு ட்விட்டரில் வாழ்த்து தெரிவித்துள்ளார்.

அஜீத் குமாரின் தீவிர ரசிகரான நடிகர் சிம்பு சூப்பர் ஸ்டார் ரஜினிகாந்த், தீபிகா படுகோனே நடித்த கோச்சடையான் படத்தை பார்த்துள்ளார். படத்தை பார்த்த பிறகு அவர் ட்விட்டரில் தனது கருத்தை தெரிவித்துள்ளார்.

அவர் ட்விட்டரில் கூறியிருப்பதாவது,

கோச்சடையான் படத்தின் கிராபிக்ஸை ஹாலிவுட் படங்களுடன் ஒப்பிட முடியாது. இருப்பினும் இதை சாத்தியமாக்கிய சௌந்தர்யாவுக்கு வாழ்த்துக்கள். மாஸை தெரிந்து வைத்திருக்கும் கே.எஸ்.ஆர்., இசை மூலம் படத்திற்கு உயிர் கொடுத்திருக்கும் ஏ.ஆர். ரஹ்மான், அந்தோனி பற்றியும் கூற வேண்டும். வசனங்கள் சூப்பரோ சூப்பர்.

கோச்சடையான் ராக்கிங், படம் மிகவும் பிடித்திருந்தது. சௌந்தர்யாவை நினைத்து பெருமையும், சந்தோஷமும் படுகிறேன் என்று தெரிவித்துள்ளார்.