Click it and Unblock the Notifications
என் படத்தை விற்க சல்மானும், ஷாருக்கும் தேவையில்லை: கமல் ஹாசன்
கமல் ஹாசன் தற்போது விஸ்வரூபம் படத்தில் நடித்து வருகிறார். அதையடுத்து ஊழலை மையமாக வைத்து அமர் ஹை என்ற படத்தை எடுக்கவிருக்கிறார். இந்த படத்தில் நடிக்க அவர் பாலிவுட் ஜாம்பவான்களான சல்மான் கான், ஷாருக்கான் மற்றும் ஹாலிவுட் நடிகர் ஜாக்கி சான் ஆகியோரை அணுகியதாக தகவல்கள் வெளியாகின். ஆனால் இதை கமல் மறுத்துள்ளார்.
இது குறித்து அவர் கூறுகையில்,
நான் இரு கான்களையும் சரி, ஜாக்கி சான், டாம் க்ரூஸையும் சரி எனது புதிய படத்திற்காக அணுகவில்லை. அது வெறும் வதந்தி. எனது படத்தை போணி செய்ய சல்மான், ஷாருக்கான் தேவையில்லை.
நான் தற்போது எடுத்து வரும் சினிமாவே எனக்கு திருப்தியாக உள்ளது. எனக்கு பாலிவுட் நடிகர் திலிப் குமாருடன் நடிக்க வேண்டும் என்ற ஆசை உள்ளது. விஸ்வரூபம் ரிலீஸ் ஆன பிறகு அமர் ஹை பற்றி சொல்கிறேன் என்றார்.
Continue with Google