Don't Miss!
- News ரூ 4 கோடிக்கும் எனக்கும் சம்பந்தமே இல்லை.. மே 2ல் காவல் துறையில் ஆஜராவேன்.. நயினார் நாகேந்திரன்
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- Finance ஆதார் அட்டை தொலைஞ்சி போயிடுச்சா.. கவலை வேண்டாம், இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
பர்ஸ்ட் 'சூப்பர் ஸ்டார்'... நெக்ஸ்ட் 'டாக்டர்'... இப்போ லேட்டா "பி.ஏ"... இது ஷாரூக் ஸ்டைல்!
மும்பை: நடிகர் ஷாரூக்கான் சுமார் 28 ஆண்டுகளுக்குப் பின் தான் படித்த கல்லூரியில் சென்று, தனது இளங்கலை பட்டத்தைப் பெற்றுள்ளார்.
பாலிவுட்டின் சூப்பர்ஸ்டாராக வளைய வருபவர் ஷாரூக்கான். டெல்லியில் பிறந்து வளர்ந்த ஷாரூக், அங்குள்ள ஹன்ஸ்ராஜ் கல்லூரியில் பி.ஏ. பொருளாதாரம் படித்தவர்.
கடந்த 1988ம் ஆண்டு கல்லூரிப் படிப்பை முடித்த அவர், பட்டம் வாங்காமல் இருந்து வந்தார். பின்னர் மும்பை வந்து, சினிமாவில் அறிமுகமானார். தற்போது வெற்றிப்பட நாயகனாக பாலிவுட்டில் வலம் வந்து கொண்டிருக்கிறார்.
மீண்டும் கல்லூரிக்கு...
இந்நிலையில், ‘ஃபேன்' என்ற படத்தின் பாடல் வெளியீட்டிற்காக டெல்லி சென்ற ஷாரூக், தனது கல்லூரிக்கு நேற்று சென்றார். அங்கு தனது பி.ஏ. பட்டத்தைக் கல்லூரி முதல்வர் ராமா சர்மாவிடம் இருந்து அவர் பெற்றார்.
சிறப்பான தருணம்...
இந்த சம்பவம் குறித்து ஷாரூக் கூறுகையில், "இது எனக்கு ஒரு சிறப்பான தருணம். 1988-ம் ஆண்டு கல்லூரியை விட்டு வெளியேறிய நான் திரும்பவும் வந்திருக்கிறேன்.
குழந்தைகள்...
நான் இப்போது தவற விட்டது, என் குழந்தைகளைத்தான். நான் அவர்களுக்கு எனது கல்லூரியின் ஒவ்வொரு மூலையையும் காட்ட விரும்பினேன். ஆனால் அவர்கள் இப்போது என்னுடன் வரவில்லை" என நெகிழ்ச்சியுடன் தெரிவித்தார்.
மகிழ்ச்சி...
இது தொடர்பாக கல்லூரி முதல்வர் ராமா சர்மா கூறுகையில், "இத்தனை ஆண்டுகள் கழித்து நாங்கள் ஷாருக்கிற்கு பட்டம் அளிப்பதில் மிகவும் மகிழ்கிறோம். அவரது பட்டத்தை நாங்கள் பாதுகாப்பாக வைத்திருந்தோம்.
பெருமை...
அதை அவருக்கு அளிப்பதில் பெருமை கொள்கிறோம். ஒரு சூப்பர் ஸ்டாரை மாணவராக பெற்றிருந்ததற்கு இந்த கல்லூரி பெருமிதம் கொள்கிறது" எனத் தெரிவித்துள்ளார்.
டாக்டர் பட்டம்...
கடந்தாண்டு பிரிட்டனின் எடின்பர்க் பல்கலைக்கழகம், ஷாரூக்கிற்கு கவுரவ டாக்டர் பட்டம் வழங்கி கவுரவித்தது குறிப்பிடத்தக்கது.