பேட்ட: ரஜினிக்காக 'ஜித்து' ஆக மாறிய விஜய் சேதுபதி- கெத்து, வெயிட்டு போங்க

Recommended Video

சென்னை: பேட்ட படத்தில் விஜய் சேதுபதியின் கதாபாத்திரத்தின் பெயர் ஜித்து என்று வைத்திருப்பது ரசிகர்களுக்கு பிடித்துள்ளது.

கார்த்திக் சுப்புராஜ் இயக்கத்தில் ரஜினிகாந்த், விஜய் சேதுபதி, சிம்ரன், த்ரிஷா உள்ளிட்டோர் நடித்துள்ள பேட்ட படம் பொங்கலுக்கு ரிலீஸாக உள்ளது. இந்நிலையில் நேற்று மாலை வெளியிடப்பட்ட மரண மாஸ் லிரிக்கல் வீடியோ ரசிகர்களிடையே அமோக வரவேற்பை பெற்றுள்ளது.

குட்டீஸ் முதல் பாட்டி, தாத்தா வரை டான்ஸ் ஆடி வீடியோ எடுத்து சமூக வலைதளங்களில் வெளியிட்டுள்ளனர். இந்நிலையில் விஜய் சேதுபதியின் கதாபாத்திரம் குறித்த போஸ்டர் இன்று மாலை 6 மணிக்கு வெளியிடப்படும் என்று சன் பிக்சர்ஸ் தெரிவித்தது.

ரஜினி தலையிலேயே துப்பாக்கியை வைத்த விஜய் சேதுபதியின் கதாபாத்திரத்தை தெரிந்து கொள்ள ரசிகர்கள் ஆவலுடன் இருப்பதை உணர்ந்தே சன் பிக்சர்ஸ் இப்படி ஒரு அறிவிப்பு வெளியிட்டிருக்க வேண்டும்.