ஆதிக் ரவிச்சந்திரன் இயக்கத்தில் ஜி.வி. நடிக்கும் ‘காதலைத் தேடி நித்யா நந்தா’!

ஜெயம் ரவி:

இந்த படத்தின் ஃபர்ஸ்ட்லுக் போஸ்டரை நடிகர் ஜெயம் ரவி நேற்று மாலை வெளியிட்டார். அதில் 'காதலை தேடி நித்யா நந்தா' என்ற டைட்டிலுக்கு மேலே ஜி.வி.பிரகாஷ் வித்தியாசமான கெட்டப்பில் நின்று கொண்டிருக்கிறார்.

காதலைத் தேடி நித்யா நந்தா:

'த்ரிஷா இல்லைனா நயன்தாரா படத்தில் இரண்டு நாயகிகளுடன் நடித்திருந்தார் ஜி.வி.பிரகாஷ். இந்த படத்தில் இவருக்கு மூன்று நாயகிகள் என கூறப்பட்டுள்ளது.

அடல்ட் காமெடி படம்:

ஆதிக் ரவிச்சந்திரனின் முந்தைய படமான 'அன்பானவன் அடங்காதவன் அசராதவன்' திரைப்படம் எதிர்பார்த்த வெற்றியைத் தரவில்லை. இதனால் அவர் பெரும் சிரத்தையுடன், ‘காதலைத் தேடி நித்யா நந்தா'வை அடல்ட் காமெடி படமாக இயக்கி வருகிறார் என்பது குறிப்பிடத்தக்கது.

நித்யா நந்தா:

நிஜ வாழ்க்கையில் பல்வேறு சர்ச்சைகளில் சிக்கியவர் நித்யா நந்தா. தற்போது அவரது பெயரையே படத்திற்கு தலைப்பாக்கியுள்ளனர். படத்தில் ஜி.வி.க்கு மூன்று நாயகிகள் வேறு. இதனால் படம் மீதான எதிர்பார்ப்பு இப்போதே ரசிகர்களிடம் எகிறத் தொடங்கியுள்ளது.