இஸ்லாமியர்களுடன் மீண்டும் பேச நான் தயார் ... கமல்ஹாசன்

லாஸ் ஏஞ்சலெஸ்: நான் ஒரு மனிதன். அரசாங்கம் அல்ல. விஸ்வரூபம் படம் தொடர்பாக ஏற்கனவே இஸ்லாமியர்களுடன் பேசியுள்ளேன். மீண்டும் பேச வேண்டும் என்றால் அதற்கும் நான் தயாராகவே இருக்கிறேன் என்று கூறியுள்ளார் கமல்ஹாசன்.

தற்போது அமெரிக்காவில் முகாமிட்டுள்ளார் கமல்ஹாசன். அங்கு ஹாலிவுட்டில் தனது விஸ்வரூபம் படத்தைத் திரையிட்டு வருகிறார். லாஸ் ஏஞ்சலெஸ் வந்த அவர் அங்கு செய்தியாளர்களிடம் பேசுகையில், என் நாட்டில், நான் முஸ்லிம்களுக்கு ஆதரவாளன் என்று பேசப்பட்டு இருக்கிறேன். அவர்களை என் சகோதரர்களாக ஏற்றுக் கொண்டிருக்கிறேன். ஒரு சிறு கூட்டம், எதை சொன்னாலும் அதை மாற்று கருத்தாக எடுத்துக்கொண்டு செயல்படுகிறது.

நான், தனி மனிதன். அரசாங்கம் அல்ல. விஸ்வரூபம் படம் தொடர்பாக ஏற்கனவே முஸ்லிம்களுடன் பேசியிருக்கிறேன். மீண்டும் அவர்களுடன் பேச தயாராக இருக்கிறேன் என்றார் கமல்ஹாசன்.