இயக்குனராக வேண்டியவனை நடிகனாக்கிட்டாங்க: நடிகர் நிரந்த்!

கன்னட படம் கார்ணி

இரண்டாவது படமாக நிரந்த் நடித்த கன்னடப் படம் 'கார்ணி'. இந்த படம் சமீபத்தில் வெளியாகி நல்ல வரவேற்பை பெற்றுள்ளது. இந்நிலையில் தான் தமிழ் சினிமாவில் தடம் பதிக்க வேண்டும் என்கிறார் நிராந்த்.

தமிழ் தடம் பதிக்க ஆசை

இதுகுறித்து அவர் கூறியதாவது, "தமிழ்ச்சினிமா ரசிகர்கள் தோற்றத்தை விட திறமையை வரவேற்பவர்கள் ; ஆராதிப்பவர்கள் .அந்த நம்பிக்கையில்தான் நான் தமிழில் நடிக்க சந்தோஷமாக சம்மதித்தேன். திறமைக்கு மரியாதை தரும் தமிழில் தடம் பதிக்க எனக்கு ஆசை.

இயக்குனர் கனவு

நான் இயக்குனர் ஆக வேண்டும் என்றுதான் சினிமாவுக்கு வந்தேன். நடிக்க வாய்ப்புகள் வந்தன. இதை விட மாட்டேன். எனக்கு எந்த வகையிலாவது சினிமாவில் இருக்க வேண்டும் என்பது தான் என் ஆசை.

நடிகனாக மட்டுமே அறியப்பட வேண்டும்

நடிப்பைப் பொறுத்தவரை சினிமாவில் நான் ஒரு கதாநாயகன் என்றோ நட்சத்திரம் என்றோ நினைக்க மாட் டேன். நான் ஒரு நடிகன். அதுவும் இயக்குநரின் நடிகன் என்றிருக்கவே விருப்பம்.

அனைத்துமே சகோதர மொழிகள் தான்

தென்னக மொழிகள் அனைத்துமே சகோதர மொழிகள்தான் எனவே தமிழோ தெலுங்கோ கன்னடமோ மலையாளமோ கவலையில்லை. நல்லவனோ கெட்டவனோ கவலையில்லை கதாபாத்திரம் மட்டுமே தனக்கு முக்கியம்", என்கிறார் நிராந்த்.