"அர்ஜுன் ரெட்டி ரீமேக்கில் என் மகனுக்குப் பதிலாக நானே நடிப்பேன்" - ஆச்சரியப்படுத்திய விக்ரம்

விக்ரம்

விக்ரம் நடிப்பில் பொங்கலுக்கு வெளியான படம் 'ஸ்கெட்ச்'. ரசிகர்களின் பெரிய எதிர்பார்ப்புக்கு மத்தியில் வெளிவந்த 'ஸ்கெட்ச்' படம் தியேட்டரில் சுமாராக ஓடி வருகிறது. இந்த படத்தையடுத்து 'சாமி 2', 'துருவநட்சத்திரம்' ஆகிய படங்களில் நடித்து வருகிறார் விக்ரம்.

அர்ஜுன் ரெட்டி

விக்ரமின் மகன் துருவ், பாலா இயக்கும் வர்மா படத்தில் நடிக்கிறார். தெலுங்கில் வெளியான அர்ஜூன்ரெட்டி படத்தின் ரீமேக்கில் இந்த படம் உருவாகிறது. இந்தப் படம் குறித்து விக்ரம் கூறும்போது, "அர்ஜூன் ரெட்டி கதைக்கு என் மகன் துருவ் ரொம்ப கச்சிதமாகப் பொருந்துவார்.

நானே நடிப்பேன்

துருவ்வை அந்தக் கதாபாத்திரத்தில் பார்ப்பதற்கு ஒரு தந்தையாக நான் ஆவலுடன் காத்திருக்கிறேன். அதேசமயம் அர்ஜுன் ரெட்டி தமிழ் ரீமேக்கில் என் மகன் துருவ் நடிக்கவில்லையென்றால் நான் நடிப்பேன்.

இப்போதும் என்னால் நடிக்க முடியும்

வயது ஒரு பிரச்சினையே இல்லை. இப்போதும் என்னால் இளமையான காதல் கதைகளில் நடிக்க முடியும் எனக் கூறியிருக்கிறார் விக்ரம். 50 வயதிற்கு மேல் ஆனாலும் இவ்வளவு இளமையான தோற்றம் தேவைப்படும் படத்திலும் தன்னால் நடிக்கமுடியும் என விக்ரம் கூறியுள்ளது பலருக்கும் ஆச்சர்யமளித்துள்ளது.