இருக்கிற பிரச்சனையில் ஜெய்க்கு இளைய தளபதி ஆகணுமாம்!

சென்னை: நடிகர் ஜெய்க்கு இளைய தளபதி ஆக வேண்டுமாம்.

விஜய்யின் தம்பியாக பகவதி படத்தில் நடித்ததன் மூலம் கோலிவுட் வந்தவர் ஜெய். அவரை அனைவரையும் கண்டுகொள்ள வைத்த படம் சுப்ரமணியபுரம். நடிகை அஞ்சலிக்கும் ஜெய்க்கும் காதல் என்று செய்திகள் வெளியாகின. இதனால் அஞ்சலி மாயமானபோது ஜெய் கலங்கிப் போய்விட்டார். எங்கே போலீசார் நம்மை பிடித்துவிடுவார்களோ என்று தான் அஞ்சினார்.

அதன் பிறகு நஸ்ரியாவும், ஜெய்யும் காதலிப்பதாக கூறப்பட்டது. நஸ்ரியா திருமணம் செய்து கொண்டு கேரளாவில் இருக்கிறார். ஜெய் வசம் தற்போது 5 படங்கள் உள்ளன. இப்படி அடிக்கடி காதல் விவகாரத்தில் சிக்கும் ஜெய்க்கு விஜய்யின் இளைய தளபதி பட்டத்தை பெறும் ஆசை வந்துள்ளது.

ஏற்கனவே விஜய் அடுத்த சூப்பர் ஸ்டார் கருத்துக்கணிப்பில் வெற்றி பெற்றும் அவரால் இன்னும் பட்டத்தை அதிகாரப்பூர்வமாக பெற முடியவில்லை. அவருக்கு அடுத்த சூப்பர் ஸ்டார் பட்டம் அளிக்க மதுரையில் நடக்கவிருந்த விழா தள்ளிப் போனது.

இந்நிலையில் விஜய்யின் பட்டத்தை பெற ஜெய் துடிக்கிறாரே.