விஜய்யின் 'ஜில்லா' ஹிட்டாக பழனி முருகனிடம் வேண்டிய ஜீவா

சென்னை: ஜீவா தான் நடிக்கும் படங்களும், தனது தந்தை தயாரிக்கும் ஜில்லாவும் ஹிட்டாக பழனி முருகன் கோவிலில் பிரார்த்தனை செய்துள்ளார்.

ஜீவா யான் மற்றும் என்றென்றும் புன்னகை படங்களில் நடித்து வருகிறார். இந்நிலையில் அவர் தனது மனைவி சுப்ரியா மற்றும் மகன் ஸ்பர்ஷுடன் கொடைக்கானலுக்கு அண்மையில் சென்றார். கொடைக்கானலில் ரிலாக்ஸ் செய்த அவர் அப்படியே அங்கிருந்து பழனிக்கு சென்றார்.

பழனியில் உள்ள முருகன் கோவிலுக்கு சென்ற அவர் தான் நடிக்கும் படங்கள் ஹிட்டாக வேண்டும் என்று வேண்டிக் கொண்டார். மேலும் தனது தந்தை ஆர்.பி.சௌத்ரி தயாரிக்கும் விஜய்யின் ஜில்லா படமும் ஹிட்டாக பிரார்த்தனை செய்தார் ஜீவா.

ஜீவா நல்லா வருவடா என்ற படத்தில் நடிக்க ஒப்பந்தம் ஆகியுள்ளார். இதில் அவருக்கு ஜோடியாக நஸ்ரியா நஸீம் நடிக்கிறார் என்பது குறிப்பிடத்தக்கது.