கதாநாயகனாகிறார் மெட்ராஸ் கலையரசன்

மெட்ராஸ் படம் பார்த்தவர்கள் அத்தனைப் பேரும் தவறாமல் கேட்ட கேள்வி, யார் இந்த கலையரசன்? என்றுதான்.

கார்த்தியின் உயிர் நண்பன் அன்புவாக வந்து அனைவரின் பாராட்டுகளையும் குவித்த கலையரசன், இப்போது ஹீரோவாக களமிறங்குகிறார். படத்தின் பெயர் மைலாஞ்சி.

இப்படத்தில் கிஷோர், ஈஸ்வரி ராவ், எழுத்தாளர் வேல ராமமூர்த்தி, மதுரை முத்து உள்ளிட்டோர் நடிக்கிறார்கள். கதாநாயகி தேர்வு நடந்து வருகிறது.

ரேகா மூவிஸ் நிறுவனம் இப்படத்தைத் தயாரிக்கிறது. படத்தின் திரைக்கதையை இயக்குனர் ஏ.எல்.விஜய்யுடன் இணைந்து அமைப்பதோடு, இயக்குநராக அறிமுகமாகிறார் அஜயன்பாலா.

நீண்ட இடைவேளைக்கு பிறகு இயக்குனர் தங்கர்பச்சன் இப்படத்தில் ஒளிப்பதிவு செய்கிறார். ரொம்ப நாளைக்குப் பிறகு ஜோஸ்வா ஸ்ரீதர் இப்படத்திற்கு இசையமைக்கிறார்.