கமல் புஷ் ஹாசன்!

வித்தியாசமான வேடங்களில் நடிப்பதை அல்வா சாப்பிடுவது போல நினைக்கும்கமல்ஹாசன், தசாவதாரம் படத்தில் அமெரிக்க அதிபர் ஜார்ஜ் புஷ் வேடத்தில் தோன்றிஅசத்தப் போகிறாராம்.

இதுவரை இல்லாத அளவுக்கு 10 வேடங்களில் கமல் நடிக்கவிருக்கும் தசாவதாரம்பெரும் எதிர்பார்ப்பை ஏற்படுத்தியுள்ளது. 10 வேடங்களையும் ரெடி செய்வதற்காகசமீபத்தில் லண்டன் சென்றிருந்தார் கமல்.

அங்கு கம்ப்யூட்டர் மேக்கப் உதவியுடன் பத்து வேடங்களையும் இறுதிசெய்துள்ளார்களாம். கம்ப்யூட்டரில் அந்த வேடத்தை தயாரித்துப் பார்த்தபோதுகமல்ஹாசனை அது மிகவும் கவர்ந்து விட்டதாம்.

இதனால் அந்த மேக்கப்பையும் அவர் போட்டுப் பார்த்தாராம். அச்சு அசல் புஷ்போலவே இருந்ததாம் கமலின் முகம். இதனால் அந்த வேடத்தை அவர் ஓ.கே. செய்துவைத்துள்ளாராம். இருந்தாலும் சர்ச்சை ஏற்படுவது போலத் தோன்றினால் அந்தவேடத்தை டிராப் செய்யத் திட்டமிட்டுள்ளார்களாம்.

வேடங்கள் எல்லாம் முடிவாகி விட்டாலும் நாயகிகள் தேர்வுதான் பெரும்பிரச்சினையாக இருந்து வருகிறதாம். 10 கமல் இருந்தாலும் கூட 6 பேருக்கு மட்டுமேஜோடியைப் போட இயக்குநர் கே.எஸ்.ரவிக்குமார் முடிவு செய்துள்ளார்.

இந்த ஆறு பேரை தேத்துவதற்குள் பெண்டு கழன்று விடும் போல இருக்கிறதாம்.முதலில் திரிஷா, நயனதாரா, அசின், பூமிகா என பலரிடம் கேட்டுப் பார்த்தனர்.ஆனால் யாரிடம் கேட்ட கால்ஷீட் தேதிகள் இல்லாததால் நடிக்க இயலாத நிலைஏற்பட்டதாம்.

வித்யா பாலன் முதலில் ஓ.கே. சொல்லியிருந்தார். இருந்தாலும் அவருக்கும் கால்ஷீட்பிரச்சினை ஏற்பட்டதால் அவரும் நடிக்க முடியவில்லை.

இப்போது ஷ்ரேயாவை கேட்டுள்ளனர். அவர் ஓ.கே. சொல்லியுள்ளார். ஆனாலும்சிவாஜி பட ஷூட்டிங் முடிந்த பிறகுதான் என்னால் தேதி தர முடியும் என்றுகூறியுள்ளாராம். அதுவரை பொறுத்திருக்க முடியுமா என்றும் கேட்டுள்ளார்.

இப்படத்தில் ஹீரோயினாக நடிக்க விருப்பவர்களிடம் மொத்தமாக 90 நாட்கள்கேட்கிறாராம் ரவிக்குமார். இதனால் தான் முன்னணி நாயகிகள் யாரும் சிக்கவில்லை.

இருந்தாலும் தொடர்ந்து மனம் தளராமல் கமலும், ரவிக்குமாரும் நாயகிககைளத் தேடிவருகிறார்கள். பேசாமல் ஹீரோயின் வேடத்தையும் கமலே செய்து விடலாம்!