பிறந்தநாளில் தையல் எந்திரங்கள், 3 சக்கர வாகனங்கள் வழங்கிய கமல் ஹாஸன்

By Siva

Published: Friday, November 8, 2013, 12:57 [IST]

சென்னை: கமல் ஹாஸன் தனது பிறந்தநாள் அன்று ஏழை, எளிய மக்களுக்கு தையல் எந்திரம் மற்றும் மாற்றுத்திறனாளிகளுக்கு மூன்று சக்கர வாகனம் ஆகியவற்றை வழங்கினார்.

உலக நாயகன் கமல் ஹாஸன் நேற்று தனது 59வது பிறந்தநாளை கொண்டாடினார். கமல் தனது ரசிகர்களை சென்னையில் உள்ள ராஜ்கமல் அலுவலக பால்கனியில் இருந்து சந்தித்து பேசினார்.

முன்னதாக காலையிலேயே தனது வீட்டுக்கு முன்பு குவிந்திருந்த ரசிகர்களை சந்தித்து வாழ்த்துக்களை பெற்றார் கமல்.

நிகழ்ச்சி

கமல் ஹாஸன் ஏழை, எளிய மக்கள் மற்றும் மாற்றுத் திறனாளிகளுக்கு உதவிகள் வழங்கும் நிகழ்ச்சியில் கலந்து கொண்டார். இந்த நிகழ்ச்சிக்கு அவரது ரசிகர்கள் ஏற்பாடு செய்திருந்தனர்.