Click it and Unblock the Notifications
கமலுக்கும், விக்ரமுக்கும் இடையே உள்ள 5 ஒற்றுமைகள்
உலக நாயகன் கமல் ஹாசனுக்கும், சீயான் விக்ரமுக்கும் இடையே சில ஒற்றுமைகள் உள்ளன. இருவருமே ராமநாதபுரம் மாவட்டத்தில் உள்ள பரமக்குடியைச் சேர்ந்தவர்கள். கமல் ஹாசன் இசை, நடனம், நடிப்பு, இயக்கம் என பலவற்றை அறிந்து வைத்துள்ளவர் மட்டுமல்ல பல்வேறு மொழிகளும் தெரிந்தவர்.
கமலைப் போன்று விக்ரமுக்கும் பல மொழிகள் தெரியும். விக்ரம் நடிப்பு தவிர பாடுவார், பிற நடிகர்களுக்கு பின்னணி பேசுவார். இருவருமே செய்தியாளர்களிடம் பேசுகையில் எந்தெந்த இடத்தில் பேட்டி கொடுக்கிறார்களோ அந்தந்த இடத்திற்குரிய மொழியில் பேட்டியளிப்பார்கள். படம் நன்றாக வர வேண்டும் என இருவருமே மெனக்கெடுவார்கள். உடல் எடையை கூட்டுவதும், குறைப்பதும், ஆளே அடையாளம் தெரியாத அளவுக்கு மாறுவதும் இருவருக்கும் கை வந்த கலையாகும்.
இருவருமே தோல்வியைக் கண்டு துவண்டுவிடாதவர்கள். எத்தனை பிரச்சனைகள் வந்தாலும் அதையெல்லாம் தாண்டி சாதிக்கக்கூடியவர்கள்.
Continue with Google