இந்த செய்தியையும் கமல் ஹாசன் படிப்பாரோ?

சென்னை: கமல் ஹாசன் தனது மகள் ஸ்ருதியைப் பற்றி வரும் செய்திகள் அனைத்தையும் படித்துவிடுவாராம்.

ஸ்ருதி ஹாசன் பெற்றோர் வழியில் நடிப்பைத் தேர்வு செய்துள்ளார். நடிப்பில் கவனம் செலுத்துவதால் இசைக்கு கொஞ்சம் பிரேக் விட்டுள்ளார். அவர் தற்போது தெலுங்கு மற்றும் இந்தி படங்களில் நடித்து வருகிறார்.

தெலுங்கில் கப்பார் சிங் வெற்றிக்கு பிறகு ஸ்ருதிக்கு நல்ல மார்க்கெட் உள்ளது. அதனால் முன்னணி ஹீரோக்களுடன் நடித்து வருகிறார். அவர் நடித்துள்ள ராமைய்யா வஸ்தாவய்யா இந்தி படமும், டி டேவும் அடுத்த மாதம் 19ம் தேதி ரிலீஸ் ஆகிறது. கை நிறைய படங்கள் வைத்திருப்பதால் ரொம்பவும் பிசியாக உள்ளார் ஸ்ருதி. அதனால் அவர் ஒரு நாளைக்கு 26 மணிநேரம் இருக்கக் கூடாதா என்று நினைக்கிறார்.

திரையுலகில் வளர்ந்து வரும் தனது மகள் ஸ்ருதியை பற்றி வரும் செய்திகள் அனைத்தையும் தேடிப்பிடித்து படித்து விடுவாராம் கமல் ஹாசன்.