For Quick Alerts
    ALLOW NOTIFICATIONS  
    For Daily Alerts

    பாபநாசம் போஸ்டர்: மன்னிப்பு கோரிய கமல்

    By Shankar
    |

    சென்னை: பாபநாசம் பட போஸ்டர்களில் ஹெல்மட் அணியாமல் இரு சக்கர வாகனம் ஓட்டுவதுபோல இடம்பெற்றிருந்த தனது படங்களுக்காக மன்னிப்பு கோரினார் கமல் ஹாஸன்.

    கமல் நடிப்பில் தற்போது ரிலீசுக்கு தயாராக இருக்கும் படம் ‘பாபநாசம்'. ஜூலை முதல் வாரம் படம் வெளியாகவிருக்கிறது. மலையாளத்தில் வெற்றி பெற்ற ‘த்ரிஷ்யம்' படத்தின் ரீமேக் இது. கமலுடன் கவுதமி, நிவேதா தாமஸ், எஸ்தர், கலாபவன் மணி உள்ளிட்டோரும் நடித்துள்ளனர். மலையாளத்தில் படத்தை இயக்கிய ஜீது ஜோசப் இப்படத்தையும் இயக்கியுள்ளார்.

    Kamal regrets for not wearing helmet

    இந்நிலையில், இப்படத்தில் கமல், கௌதமி, நிவேதா தாமஸ், எஸ்தர் நான்கு பேரும் ஒரு மொபெட்டில் பயணிப்பது போன்ற ஒரு போஸ்டர் சமீபத்தில் வெளியானது. இந்த போஸ்டரில் ஹெல்மெட் அணியாமல் தான் நடித்ததற்காக கமல் மன்னிப்புக் கேட்டுள்ளார்.

    வரும் ஜூலை முதல் கட்டாய ஹெல்மெட் சட்டம் அமலுக்கு வரவிருக்கிறது. இந்நிலையில், தன்னுடைய படத்தில் இந்த மாதிரியான காட்சியில் ஹெல்மெட் அணியாமல் நடித்ததற்காக வருந்துகிறேன் என்று கமல் தெரிவித்துள்ளார்.

    இதுகுறித்து மேலும் அவர் கூறும்போது, "இந்த பைக் காட்சியை நாங்கள் ரொம்ப நாளைக்கு முன்பே எடுத்துவிட்டோம். இருந்தாலும், இதை ஏற்றுக்கொள்ள முடியாது. அந்த காட்சியில் கட்டாயம் ஹெல்மெட் அணிந்து நடித்திருக்க வேண்டும்.

    நீங்கள் எப்படி வெளியில் செல்லும்போது செருப்பு அணிந்து செல்வதை கட்டாயம் என்று நினைக்கிறீர்களோ, அதேபோல் ஹெல்மெட்டும் அவசியம் என்பதை உணருங்கள்," என்றார்.

    English summary
    Kamal Hassan regrets for a scene (riding a moped without wearing helmet) appearing in Papanasam posters.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X