ஒரு சூரியன், ஒரு சந்திரன், ஒரே தலைவன்: இது தனுஷின் லிங்கா 'பஞ்ச்'

சென்னை: ஒரு சூரியன், ஒரு சந்திரன், ஒரே தலைவன் என்று லிங்கா பற்றி தனுஷ் ட்விட்டரில் தெரிவித்துள்ளார்.

கே.எஸ். ரவிக்குமார் இயக்கத்தில் சூப்பர் ஸ்டார் ரஜினிகாந்த் நடித்து வரும் படம் லிங்கா. சோனாக்ஷி சின்ஹா, அனுஷ்கா என்று படத்தில் இரண்டு நாயகிகள். படத்தின் துவக்கப் பாடலை வெளிநாட்டில் படமாக்க உள்ளனர்.

இந்நிலையில் தீபாவளி ஸ்பெஷலாக லிங்கா பர்ஸ்ட் லுக் போஸ்டர் வெளியிடப்பட்டது. போஸ்டரில் ரஜினி கோட் சூட் அணிந்து கெத்தாக உள்ளார். இந்த போஸ்டரை பார்த்து ரஜினி ரசிகர்கள் மகிழ்ச்சி அடைந்துள்ளனர்.

இந்நிலையில் ரஜினியின் மருமகன் தனுஷ் ட்விட்டரில் கூறியிருப்பதாவது,

ஒரு சூரியன், ஒரு சந்திரன், ஒரே தலைவன் என்று லிங்கா போஸ்டர் பற்றி தெரிவித்துள்ளார்.