கூலி கவுந்தாலும் லோகேஷ் கனகராஜ் மாஸ் குறையல.. ஆத்தி.. ஹீரோவாக நடிக்க இத்தனை கோடி சம்பளமா?

சென்னை: பிரபல இயக்குநர் லோகேஷ் கனகராஜ், ரஜினிகாந்த் நடித்த தனது கடைசிப் படமான 'கூலி' வெளியான பிறகு, தனது அடுத்த படத்தைப் பற்றிய அறிவிப்பிற்காக ரசிகர்களை ஆவலுடன் காத்திருக்க வைத்தார். இந்த நிலையில், கடந்த நவம்பர் 1 அவர் ஒரு புதிய அறிவிப்பை வெளியிட்டுள்ளார். அருண் மாதேஸ்வரன் இயக்கத்தில் 'டிசி' என்ற படத்தில் லோகேஷ் கனகராஜ் நடிகராக அறிமுகமாகவுள்ளார். அவரது சம்பள விவரங்கள் குறித்த தகவல்கள் கசிந்துள்ளன.

இந்த படத்தில் வாமிகா கபி அவருக்கு ஹீரோயினாக இணைந்து நடிக்கிறார். ஆக்‌ஷன் காதல் கதையாக உருவாகும் இந்த படம், ஒரு டைட்டில் டீசருடன் அறிவிக்கப்பட்டது. இந்த டீசரில் லோகேஷ், 'தேவதாஸ்' என்ற கதாபாத்திரத்தில் அறிமுகமாகிறார். அவர் ஒரு கொடூரமான தோற்றத்துடன், கத்தியை ஏந்தியபடி, எதிரிகளின் ரத்தத்தில் குளித்தவராக காட்சியளிக்கிறார்.

Photo Credit:

Sun Pictures

அறிமுகமே மிரட்டல்: வாமிகா, 'சந்திரா' என்ற கதாபாத்திரத்தில் தேவதாஸின் காதலியாக கையில் காண்டம் வைத்துக் கொண்டு வருகிறார். டீசரில் அவர்கள் நடந்து செல்லும் ஹால்வேயின் வடிவமைப்பு மற்றும் வண்ணத் திட்டம், வோங் கார்-வாய் இயக்கிய 'இன் தி மூட் ஃபார் லவ்' படத்தின் 25வது ஆண்டு நினைவுப் பதிப்பிற்கான ஒரு மறைமுக அஞ்சலியாக இருக்குமோ என்ற கேள்வியை எழுப்புகிறது.

அனிருத் சம்பவம்: படத்தின் கதை பற்றிய மற்ற விவரங்கள் இதுவரை வெளியிடப்படவில்லை. 'டிசி' படத்திற்கு லோகேஷ் கனகராஜின் வழக்கமான பார்ட்னரான அனிருத் ரவிச்சந்தர் இசையமைத்துள்ளார். முகேஷ் ஜி ஒளிப்பதிவு செய்ய, ஜி.கே. பிரசன்னா படத்தொகுப்பு பணிகளை மேற்கொள்கிறார். சன் பிக்சர்ஸ் தயாரிக்கும் இந்த படம், 2026 ஆம் ஆண்டு கோடைக்காலத்தில் திரைக்கு வரும் என்று எதிர்பார்க்கப்படுகிறது.

35 கோடி சம்பளம்: இந்நிலையில், இந்த படத்திற்காக லோகேஷ் கனகராஜுக்கு வழங்கப்படும் சம்பளம் குறித்த தகவல்கள் தான் கோலிவுட்டின் பல முன்னணி ஹீரோக்களையே தலை சுற்ற வைத்துள்ளது. கூலி படத்துக்கு காம்பன்சேஷன் படமாகவே லோகேஷ் கனகராஜ் இதை பண்ணுகிறார் என்று சிலர் முணுமுணுத்த நிலையில், அதெல்லாம் இல்லை, பாஸ் இந்த படத்துக்கு மட்டுமே அவருக்கு 35 கோடி சம்பளமாக வழங்க சன் பிக்சர்ஸ் முன் வந்திருப்பதாக தகவல்கள் வெளியாகி உள்ளன.

100 கோடி வசூல் வருமா?: என்னதான் அருண் மாதேஸ்வரன் இயக்கினாலும், தனது முதல் படத்தை தரமான படமாக கொடுக்க அனைத்து முயற்சிகளிலும் லோகேஷ் கனகராஜ் ஈடுபடுவார் என்றே எதிர்பார்க்கப்படுகிறது. இயக்குநராக கூலி படத்துக்கு 50 கோடி சம்பளம் வாங்கினார் லோகேஷ் கனகராஜ் என்பது குறிப்பிடத்தக்கது. சம்பளம் மற்றும் பட்ஜெட் சுமார் 100 கோடி வந்தால், படம் ரிலீஸ் ஆன பிறகு அதை விட கல்லா கட்ட வேண்டும் என்பதும் குறிப்பிடத்தக்கது.