மறக்காம வந்திருங்க...மாதவன் வெளியிட்ட விழிப்புணர்வு வீடியோ

கொரோனா தொற்று உறுதி

இந்நிலையில் 2 நாட்களுக்கு முன் மாதவனுக்கு கொரோனா தொற்று ஏற்பட்டிருப்பது உறுதி செய்யப்பட்டது. இந்த தகவலை தனது ட்விட்டர் பக்கத்தில் ஜாலியாக தெரிவித்த மாதவன், விரைவில் அதிலிருந்து மீண்டு வருவேன் என நம்பிக்கையுடன் குறிப்பிட்டிருந்தார்.

மறக்காம வந்திருங்க

தற்போது சிகிச்சையில் இருந்து வரும் மாதவன், தனது இன்ஸ்டாகிராம் பக்கத்தில் தேர்தல் விழிப்புணர்வு குறித்த வீடியோ ஒன்றை பதிவிட்டுள்ளார். தமிழக தலைமை தேர்தல் அதிகாரி சார்பில் வெளியிடப்பட்ட அந்த வீடியோவில், ஏப்ரல் 6 ம் தேதி தேர்தல் வைத்திருக்கிறோம். மறக்காம வந்திருங்க.

நீங்க தான சீஃப் கெஸ்ட்

உங்க வீட்டு பக்கத்துல தான். வந்து, நல்லபடியாக ஓட்டு போட்டுட்டு போங்க. என்னடா ஒரு கல்யாணத்துக்கு அழைக்குற போல அழைக்கிறேனு பார்க்குறீங்களா. இது நம்ம நாட்டோட கல்யாணம் தானங்க. அதுல மிக முக்கியமான சீஃப் கெஸ்ட் நீங்க தான்.

100 சதவீதம் வந்திருங்க

அதனால மறக்காம வந்துருங்க. ஞாபகம் இருக்குல ஏப்ரல் 6 ம் தேதி, 100 சதவீதம் வந்திருங்க. இவ்வாறு அதில் மாதவன் தெரிவித்துள்ளார். இந்த வீடியோவிற்கு லைக்குகளும் கமெண்ட்களும் குவிந்து வருகின்றன. பலர் மறக்காம வந்திடுறோம் என கமெண்ட் பதிவிட்டுள்ளனர்.