முகப்பு

ஹீரோ

மகன் கவுதம் கிருஷ்ணாவை நடிகராகக் களமிறக்குகிறார் பிரபல தெலுங்கு நடிகர் மகேஷ் பாபு.

தெலுங்கில் முன்னணி நடிகராக இருப்பவர் மகேஷ் பாபு. இவர் தந்தை கிருஷ்ணா சூப்பர் ஸ்டார் ரேஞ்சுக்கு திகழ்ந்தவர்.

மகேஷ் பாபு பிறந்து வளர்ந்து படித்ததெல்லாம் சென்னைதான். லயோலா கல்லூரியில்தான் பட்டப்படிப்பு முடித்தார்.

பாலிவுட் நடிகை நம்ரதா ஷிரோத்கரை மணந்துள்ள மகேஷ் பாபுவுக்கு கவுதம் என்ற மகனும், சிதாரா என்ற மகளும் உள்ளனர்.

இவர்களில் கவுதமை குழந்தை நட்சத்திரமாக சினிமாவில் அறிமுகபடுத்துகிறார் மகேஷ்பாபு. கவுதம் கிருஷ்ணாவுக்கு 7 வயது ஆகிறது. சுகுமார் இயக்கத்தில் மகேஷ்பாபு நடிக்க உள்ள புதுபடத்தில் கவுதம் நடிக்கிறார்.

எழுபதுகளில் அப்பா கிருஷ்ணா நடித்த படமொன்றில்தான் மகேஷ் பாபுவும் நடிப்பைத் தொடங்கினார் என்பது குறிப்பிடத்தக்கது.