சூப்பர் ஸ்டாரின் புதிய அவதாரம்- “டெஸ்பைக்கிள் மீ” மினியான் போஸ்டர்கள்

பாபா தி மாஸ்:

முதலில் பாபா திரைப்படம்... ரஜினியைப் போன்ற மினியான் ஒன்று ஜீன்ஸ், சட்டை போட்டு பாபா கதாப்பாத்திரம் போலவே முண்டாசு கட்டியுள்ளது. கழுத்தில் ருத்ராடசம் வேறு. கண்ணில் மினியான் கண்ணாடியுடன் ஸ்டைலாக சிகரெட் பிடிக்கின்றது இந்த மினியான்.

ஹா ஹா எந்திரன்டா:

ஒரு லாவண்டர் கலர் மினியான் தலைமுடியெல்லாம் புசுபுசுவென்று, கண்ணில் கண்ணாடியுடன், வாயில் பற்களுடன் எந்திரன் ரோபோ ஸ்டைலில் போஸ் கொடுக்கின்றது.

அச்சச்சோ வேட்டியைக் காணோம்:

ஹா ஹா ஹா.... தர்மத்தின் தலைவன் படத்தில் ரஜினி வேட்டியைத் தொலைத்து விட்டு வருவாரே அந்த காட்சியை நியாபகப்படுத்தும் வகையில் சட்டையை கால் வரை இழுத்துப் பிடித்துக் கொண்டு கையில் புத்தகத்துடன் நிற்கின்றது இந்த "புரொபசர்" மினியான்.

பாட்சா பாரு பாட்சா பாரு:

அடுத்தது நம்ம "பாட்சா"... கண்ணில் ஒற்றைக் கண்ணாடியுடன் பாட்சா கோட், சூட்டுடன் ரஜினி மினியான் கையில் ஒரு பயங்கரமான ராட்சத பற்கள் உடைய நாய் மினியானைக் பிடித்துக் கொண்டு காட்சியளிக்கின்றது, மினியானுக்கு ஸ்பெஷலாக தாடி வேறு.

எம்பேரு வடையப்பா சாரி படையப்பா:

கிட்டதட்ட வடை சைசே இருக்கும் ரஜினி போன்ற மினியான் ஜிப்பா, பேண்ட் போட்டு ரம்யா கிருஷ்ணனிடம் சவால் விடும் காட்சியில் ரஜினி ஆடுவாரே அதே போல் ஊஞ்சலில் லாலி ஆடுகின்றது இந்த மினியான்.

ப்பாப்பாப்பா படிக்காதவன்:

அடுத்தது நம்ம "படிக்காதவன்" பிலிம் தான்.... ரஜினி ஸ்டைல் மினியான் ஒன்று ஒற்றைக்கண்ணாடியுடன் கார் ஒன்றிற்குள் நுழைந்து நடக்கின்றது காக்கி கலர் உடையுடன்.

எஜமான் காலடி மண்ணெடுத்து:

எஜமான் படத்தினை பிரதிபலிக்கும் இந்த மினியான் போஸ்டரில் வேட்டி, சட்டை அணிந்த, ரஜினி முகம் கொண்ட குட்டீயூண்டு மினியான் பட்டாம் பூச்சி பிடித்து விளையாடுகின்றது ஜாலியாய்.

எனக்கு மூணு முகம்:

ரஜினி மூன்று வேடங்களில் நடித்த படம் மூன்று முகம். அந்த படத்தையும் மினியானில் விட்டு வைக்கவில்லை. ஒற்றைக்கண் கண்ணாடி போட்ட மினியான் ஒன்று ரஜினியின் சாயலில் காக்கி உடுப்பில் கம்பீரமாய் லத்தியுடன் நிற்கின்றது.

ஓம் ராகவேந்திராய நமஹ:

ரஜினிகாந்த் அவர்கள் நடித்த படங்களிலேயே மிகவும் அற்புதமான படமென்றால் அது ராகவேந்திரரின் வாழ்க்கை வரலாறுதான். ராகவேந்திரர்போல் ரஜினி முகத்துடன் காவி உடை அணிந்த, ருத்ராட்ச மாலை போட்ட மினியான் செம பக்திபூர்வமாக, அருமையாக இருக்கின்றது.

சிவாஜி த பாஸ்:

சி...சி...சிவாஜிதான் இந்த வரிசையில் கடைசி மினியான்... சிவாஜி படத்தில் கடைசியாக வருகின்ற மொட்டை பாஸ் ஸ்டைலில் கோட், சூட் போட்டு பயங்கரமாக போஸ் கொடுக்கின்றது ரஜினி சாயல் மினியான்.

மஞ்சள் கலரு ஜிங்குச்சா:

இந்த வரிசையில் எல்லா மினியான்களும் அதே வாழைப்பழ சாயலில் மஞ்சள் கலரிலேயே இருப்பது கூடுதல் சிறப்பு.... இந்த பிறந்தநாளை மினியான்களுடன் கொண்டாடுங்கள் ரஜினி சார்..... பிறந்தநாள் வாழ்த்துக்கள்...