Click it and Unblock the Notifications
ராவணா படத்துக்காக சிக்ஸ் பேக் வைக்கிறார் மோகன் பாபு!
புராணப் படங்களுக்கு எப்போதுமே தெலுங்கில் மவுசு அதிகம். அதிலும் ராமர் சார்ந்த கதைகள் என்றால் கேட்கவே வேண்டாம்.
இந்த வேடம் போட்டதற்காகவே என்டிஆருக்கு முதல்வர் பதவியை தூக்கிக் கொடுத்த மகா ரசிகர்கள் அவர்கள்.
இப்போதும் நாகார்ஜுனா, வெங்கடேஷ், பாலகிருஷ்ணா உள்ளிட்டோர் புராண கதைகளில் நடித்து வருகின்றனர்.
இப்போது மூத்த நடிகரும் ஏகப்பட்ட ரசிகர்களைக் கொண்டவருமான மோகன் பாபு ஒரு புராண தெலுங்குப் படத்தில் நடிக்கிறார்.
படத்தின் தலைப்பு ராவணா. இதில் ராவணன் வேடத்தில் தோன்றும் மோகன் பாபு, தனது உடலைக் கட்டுக் கோப்பாகக் காட்ட, 6 பேக்ஸ் வைக்க முயன்று வருகிறாராம். இதற்கென தனியாக ஒரு உடற்பயிற்சி நிபுணரையும் அமர்த்தியுள்ளாராம்.
6 பேக் என்பது இன்றைய இளம் நடிகர்களுக்கே சவாலாக உள்ள நிலையில், 60 வயதைத் தாண்டிய மோகன் பாபு அதில் சிரத்தை காட்டுவது, அவரது தொழில் சிரத்தை மற்றும் அர்ப்பணிப்பைக் காட்டுகிறது என தெலுங்கு சினிமா மற்றும் பத்திரிகையுலகம் பாராட்டி வருகிறது.
Continue with Google