Exclusive : ‘நாக்க மூக்க’ ஒரு மேஜிக்... விஜய் ஆண்டனியால் கூட அதைத் திரும்ப செய்ய முடியாது: நகுல்

சமூகப் பிரச்சினை:

"நான் நடித்துள்ள 'செய்' நவம்பர் 23ம் தேதி வெளியாகி ஓடிக்கொண்டிருக்கிறது. இது ஒரு பேமிலி எண்டர்டெயினர் படம். ஜாலியாக பார்க்கலாம். அதே நேரம் படத்தில் ஒரு முக்கியமான சமூக பிரச்சினையை பற்றியும் பேசியுள்ளோம்.

மாஜிக்:

செய் படத்தில் பாடல்கள் எல்லாமே சிறப்பாக வந்துள்ளன. ஓபனிங் சாங் மாஸாக இருக்கும். ஆனால் நாக்க மூக்க மாதிரி என் வாழ்க்கையில் வேறு எந்த பாடலும் அமையவில்லை. அது ஒரு மேஜிக். விஜய் ஆண்டனியாலும் கூட அதை திரும்ப செய்ய முடியாது.

டான்ஸ் நிகழ்ச்சி:

தற்போது இரண்டு படங்களில் நடித்துக்கொண்டிருக்கிறேன். மேலும் கலர்ஸ் டிவியில் நடன நிகழ்ச்சி ஒன்றில் நடுவராக பங்கேற்கிறேன். இயல்பாகவே நான் ஒரு நல்ல டான்ஸர் என்பதால் இது எனக்கு பிடித்திருக்கிறது. சினிமாவில் இருந்து டிவிக்கு வந்தது ஒன்றும் பெரிய தவறில்லை. இதன் மூலம் எப்போதும் மக்களிடம் எனது முகத்தை காட்டிக்கொண்டே இருக்க முடியும்.

ஓவியாவின் நட்பு:

இந்த நிகழ்ச்சியின் மூலம் ஓவியாவின் நட்பு கிடைத்தது. அவர் ஒரு அருமையான மனிதர். முதல் சந்திப்பிலேயே இருவரும் நண்பர்களாகிவிட்டோம். ஓவியாவுடன் இந்த நிகழ்ச்சியில் பங்கேற்பது மிகச்சிறந்த அனுபவம்.

சந்தோஷம்:

பல ஆண்டுகளாக சினிமாவில் இருக்கிறேன். ஆனால் பெரிய உயரத்திற்கு போக முடியவில்லையே என நான் ஒரு நாளும் வருத்தப்பட்டது கிடையாது. நான் இப்போது இருக்கும் இடத்தை நினைத்து சந்தோஷப்படுகிறேன். வாழ்க்கை இனிமையாக இருக்கிறது", என்கிறார் நகுல்.