‘சிவப்பா’ மாறுனா தான் ஜெயிக்க முடியுமா?... ஷாரூக் விளம்பரத்திற்கு கடும் எதிர்ப்பு

பேர்னஸ் விளம்பரம்....

சமீப காலமாக, ஒரு குறிப்பிட்ட கம்பெனியின் கிகப்பழகு க்ரீமுக்கான விளம்பரத்தில் தோன்றி வருகிறார் ஷாரூக். அதில் தன்னைப் பற்றி தானே விளக்குவார்.

ராஜ வாழ்க்கைக்கு காரணம் சிகப்பழகா...

தான் மிகவும் ஒதுக்கப் பட்ட நிலையில் இருந்ததாகவும், இந்த கிரீமை போட்டவுடன் சிகப்பாக மாறியதாகவும், அதன் மூலம் தனக்கு ராஜ வாழ்க்கை கிட்டியதாகவும் அந்த விளம்பரத்தில் தெரிவிப்பார் ஷாரூக்.

கறுப்பே அழகு....

தற்போது அந்த விளம்பரத்திற்கு எதிர்ப்பு தெரிவித்து ஆன் லைனில் மனு செய்துள்ளனர் ஷாரூக்கிற்கு எதிராக. ‘கறுப்பே அழகு' என்ற இயக்கத்தின் கீழ் அளிக்கப் பட்டுள்ள இந்த மனுவிற்கு ஆதரவாக கிட்டத்தட்ட பத்தாயிரம் பேர் கையெழுத்திட்டுள்ளது குறிப்பிடத்தக்கது.

தவறான வழிகாட்டுதல்...

சிவப்பாய் இருந்தால் மட்டுமே ஜெயிக்க முடியும் என்பதான மனப்போக்கை இந்த விளம்பரம் பெரியவர்கள் முதல் குழந்தைகள் வரை அனைவர் மனதிலும் திணிப்பதாக குற்றம் சாட்டுகின்றனர் இவர்கள்.

இவங்களுக்கும் பங்கிருக்கு....

மனுவில் இந்த விளம்பரத்தைத் தயாரித்த ராஜ் குமார் ஹிரானி, சந்தா சவேரி, சகுன் பத்ரா மற்றும் மிலிந்த் நபார் ஆகியோரது பேரும் சேர்க்கப் பட்டுள்ளது.