Don't Miss!
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- News கரும்பு விவசாயி சின்னத்தால் எனக்கு அடி, உதை.. கதறிய கிருஷ்ணகிரி வேட்பாளர்- நாம் தமிழர் மீது புகார்!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Automobiles பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
’பேட்ட’.. மீண்டும் பழைய ரூட்டுக்கே திரும்பிய ரஜினி!
ரஜினியின் புதிய படத்திற்கு பேட்ட எனப் பெயரிடப்பட்டுள்ளது.
Recommended Video
சென்னை: கார்த்திக் சுப்புராஜ் இயக்கத்தில் ரஜினி நடிக்கும் புதிய படத்திற்கு பேட்ட எனப் பெயரிடப்பட்டுள்ளது.
ரஜினியின் படங்கள் பெரும்பாலும், அவரது கதாபாத்திரப் பெயரையே தலைப்பாகக் கொண்டிருக்கும். ஆனால், சமீபகாலமாக அப்படி ரஜினியின் கதாபாத்திரப் பெயரைத் தலைப்பாகக் கொண்ட படங்கள் எதிர்பார்த்த வெற்றியைத் தரவில்லை.
இதற்கு பாபா, சிவாஜி, லிங்கா, காலா போன்ற படங்கள் உதாரணம். கபாலி படம் மட்டும் இதில் விதிவிலக்காக வசூல் ரீதியாகவும், விமர்சன ரீதியாகவும் வெற்றி பெற்றது.
வெற்றிப் படங்கள்:
முன்னதாக பாட்ஷா, அண்ணாமலை, முத்து, அருணாச்சலம், படையப்பா என ரஜினியின் கதாபாத்திரப் பெயர்களை வைத்து வெளிவந்த படங்கள் எல்லாமே சூப்பர்டூப்பர் ஹிட்டடித்தன. ஆனால், பெயர் தான் படத்தின் வெற்றியைத் தீர்மானிக்கிறது எனக் கூறமுடியாதல்லவா. அந்த அடிப்படையில் சந்திரமுகி, எந்திரன் போன்ற படங்களும் ரஜினிக்கு வெற்றிப் படங்களாக அமைந்தன.
மக்கள் பிரச்சினை:
இந்நிலையில், கார்த்திக் சுப்புராஜ் இயக்கத்தில் ரஜினி நடித்துவரும் புதிய படத்திற்கு பேட்ட எனப் பெயரிடப்பட்டுள்ளது. நிச்சயமாக இது அவரது கதாபாத்திரப் பெயராக இருக்க வாய்ப்பில்லை. சமீபகாலமாக தொடர்ந்து தனது படங்களில் மக்கள் பிரச்சினைகள் குறித்து குரல் எழுப்பி வருகிறார் ரஜினி. அந்தவகையில், இப்படமும் அடித்தட்டு மக்களின் பிரச்சினைகளைப் பேசுவதாக அமையும் எனத் தெரிகிறது.
பேட்ட:
இது ஒருபுறம் இருக்க இதுவரை தனது படங்களுக்கு பீட்சா, ஜிகிர்தண்டா, இறைவி, மெர்குரி என வித்தியாசமான தலைப்புகளையே கார்த்திக் சுப்புராஜ் வைத்துள்ளார். ரஜினிக்காக தனது இந்த பெயர் சூட்டும் முறையை கார்த்திக் சுப்புராஜ் மாற்றிக் கொள்வாரா என்ற கேள்வி எழுந்தது. ஆனால், வழக்கம்போல், இப்படத்திற்கும் தனது ஸ்டைலில் ‘பேட்ட' எனப் பெயரிட்டுள்ளார்.
பாட்ஷா ஸ்டைல்?
நிச்சயமாக இப்படம் ரசிகர்களுக்கு ஆக்சன் விருந்தளிக்கும் என்பது அதன் மோஷன் பிக்சர்ஸ் மூலமே உறுதியாகியுள்ளது. கத்தி, சிவப்பு என மோஷன் பிக்சர்ஸ் முழுவதும் ஆக்சனுக்கு உத்திரவாதம் அளிக்கிறது. இப்படத்தில் கல்லூரி பேராசிரியராக ரஜினி நடிக்கிறார் எனக் கூறப்படுகிறது. எனவே, தர்மத்தின் தலைவன், பாட்ஷா பட வரிசையில் முதல் பாதியில் சாதுவாகவும், அடுத்த பாதியில் அதிரடி ஆக்சன் ஹீரோவாகவும் ரஜினி இப்படத்தில் நடிக்கிறார் எனத் தகவல்கள் தெரிவிக்கின்றன.