Click it and Unblock the Notifications
ஷம்மிஜி... எங்கள் இதயத்தில் எப்போதும் வாழ்கிறீர்கள்! - ரஜினி
பாலிவுட்டின் சாதனை நாயகர்களில் ஒருவரான ஷம்மி கபூர் நேற்று மும்பையில் மரணம் அடைந்தார். அவருக்கு வயது 79. தேசபக்திப் படங்களாக இருந்தாலும், ஆக்ஷன் கதைகளாக இருந்தாலும் ரொமான்டிக் படங்களாக இருந்தாலும், ஷம்மி கபூர் தன் ஸ்டைலான உடல் மொழியால் தனி கவனத்தைப் பெற்றார்.
ஷம்மி கபூரின் உடல் இன்று மும்பையில் அடக்கம் செய்யப்பட்டது.
இந்த நிலையில் ஷம்மி கபூரின் மறைவு கேட்டு நடிகர் ரஜினிகாந்த் பெரும் அதிர்ச்சி அடைந்தார்.
ரஜினி விடுத்துள்ள இரங்கல் செய்தியில், "நான் ஷம்மிஜியின் தீவிர ரசிகன். திரையில் அவர் வரும் ஒவ்வொரு காட்சியையும் ரசித்தவன் நான். அவரது மறைவு திரையுலகிற்கு ஒரு பெரிய இழப்பு. அவரது குடும்பத்தினருக்கு எனது ஆழ்ந்த இரங்கலை தெரிவித்து கொள்கிறேன்.
ஒ மேரே சோனா... (தீஸ்ரி மன்ஸில் படத்தில் இடம்பெற்ற பாடலின் முதல் வரி) நீங்கள் எப்போதும் எங்களது இதயத்தில் வாழ்த்து கொண்டு தான் இருக்கிறீர்கள்!" என்று தெரிவித்துள்ளார்.
Continue with Google