»   »  புத்தாண்டு தினத்தில் ரசிகர்களை நேரில் சந்தித்து வாழ்த்துச் சொன்ன ரஜினி!

புத்தாண்டு தினத்தில் ரசிகர்களை நேரில் சந்தித்து வாழ்த்துச் சொன்ன ரஜினி!

Posted By:
Subscribe to Oneindia Tamil

புத்தாண்டு தினமான இன்று தனது போயஸ் கார்டன் இல்லத்தில் ரசிகர்களைச் சந்தித்து வாழ்த்துக் கூறினார் ரஜினிகாந்த்.

ரஜினியின் பிறந்த நாள் அன்று மட்டுமல்ல, புத்தாண்டு, பொங்கல் போன்ற பண்டிகை நாட்களிலும் ரஜினி வீட்டு முன் ரசிகர்கள் திரண்டு போய் வாழ்த்துச் சொல்வது வழக்கம்.

Rajini meets his fans on New Year Day

இது போன்ற விசேஷ நாட்களில் ரஜினி வீட்டிலிருந்தால், ரசிகர்களைச் சந்தித்து வாழ்த்துக் கூறி அனுப்புவது வழக்கம். அவர் வீட்டில் இல்லாத நேரங்களில் அவர் சார்பில் லதா ரஜினி வாழ்த்துகள் சொல்லி, இனிப்புக் கொடுத்து அனுப்புவார்.

புத்தாண்டு தினமான இன்று ரஜினியை நேரில் சந்தித்து வாழ்த்துகள் பெற ஏராளமான ரசிகர்கள் போயஸ் கார்டன் இல்லத்தின் முன் திரண்டனர்.

Rajini meets his fans on New Year Day

ரசிகர்கள் வந்திருக்கும் செய்தியை அறிந்ததும், அவர்களைச் சந்தித்து வாழ்த்துக் கூற விரும்பிய ரஜினி, அதற்கான ஏற்பாடுகளைச் செய்ய உத்தரவிட்டார். அடுத்த சில நிமிடங்களில் வீட்டு முன் சிறு மேடை அமைக்கப்பட்டது. ரஜினி வெளியில் வந்து அந்த மேடை மீது ஏறி நின்று ரசிகர்களைப் பார்த்து கும்பிட்டார். அனைவருக்கும் புத்தாண்டு வாழ்த்துகள் கூறினார். ரசிகர்கள் சொன்ன வாழ்த்துகளையும் ஏற்றுக் கொண்டார்.

வந்திருந்த ரசிகர்களுக்கு ரஜினி வீட்டில் இனிப்பு வழங்கப்பட்டது.

English summary
Rajinikath has met his fans today morning at his Poes Garden Residence and conveyed his new year wishes.
Please Wait while comments are loading...