Click it and Unblock the Notifications
அவமானப்படுத்தப்பட்டாரா ரஜினிகாந்த்?.. அர்ஜுன் மகள் திருமண வரவேற்பில் நடந்த சம்பவம்
சென்னை: ரஜினிகாந்த் இப்போது வேட்டையன் படத்தில் நடித்துவருகிறார். ஜெய் பீம் படத்தின் இயக்குநர் த.செ.ஞானவேல் இயக்கும் அந்தப் படம் அக்டோபர் மாதம் திரைக்கு வரவிருக்கிறது. சூழல் இப்படி இருக்க இந்தப் படத்தில் நடித்துக்கொண்டிருக்கும்போதே அடுத்ததாக லோகேஷ் கனகராஜ் இயக்கத்தில் நடிக்க கமிட்டானார். படத்துக்கு கூலி என்று பெயர் வைக்கப்பட்டுள்ளது. இந்தச் சூழலில் அர்ஜுன் மகள் திருமண வரவேற்பில் நடந்த சம்பவம் ஒன்று ரஜினி ரசிகர்களுக்கு அதிர்ச்சியை ஏற்படுத்தியிருக்கிறது.
ரஜினிகாந்த் ஹீரோவாக நடித்து ஜெயிலர் படமும், கெஸ்ட் ரோலில் நடித்து லால் சலாம் படமும் கடைசியாக வெளியாகின. இவற்றில் ஜெயிலர் மெகா ஹிட்டானது. ஆனால் லால் சலாமோ வழுக்கி விழுந்துவிட்டது. இதற்கிடையே ஜெயிலர் படத்தில் நடித்துக்கொண்டிருக்கும்போதே த.செ.ஞானவேல் இயக்கத்தில் நடிப்பதற்கு கமிட்டானார் ரஜினிகாந்த். படத்தை லைகா நிறுவனம் தயாரிக்கிறது. அனிருத் இசையமைக்கிறார். படத்துக்கு வேட்டையன் என்று பெயர் வைக்கப்பட்டுள்ளது.
வேட்டையன் ரிலீஸ்: படத்தில் ரஜினியுடன் அமிதாப் பச்சன், ஃபகத் பாசில், ராணா டகுபதி, மஞ்சு வாரியர், துஷாரா விஜயன், ரித்திகா சிங் உள்ளிட்டோர் நடிக்கின்றனர். ஜெய் பீம் படத்தின் மூலம் பெரும் கவனத்தை ஈர்த்தவர் ஞானவேல் என்பதால் இந்தப் படத்தின் மீது உச்சக்கட்ட எதிர்பார்ப்பு எகிறியுள்ளது. படத்தின் டைட்டில் டீசரும் நல்ல வரவேற்பையே பெற்றது. படமானது அக்டோபர் மாதம் ரிலீஸாகும் என்று அறிவிக்கப்பட்டது என்பது குறிப்பிடத்தக்கது.
ஷூட்டிங் ஓவர்: வேட்டையன் படத்தின் ஷூட்டிங் கன்னியாகுமரி, மும்பை, கேரளா உள்ளிட்ட பகுதிகளில் விறுவிறுப்பாக நடந்துவந்தது. ரஜினிகாந்த்தும் முழு மூச்சுடன் அதில் நடித்துவந்தார். படத்தில் அவருடைய போர்ஷனுக்கான ஷூட்டிங் சமீபத்தில்தான் முன்புதான் முடிவடைந்தது. நிச்சயம் இந்தப் படம் ரஜினிகாந்த்தின் கரியரில் தரமான சம்பவமாக இருக்கும் என்று அவரது ரசிகர்கள் இப்போதே பேச ஆரம்பித்திருக்கிறார்கள்.
கூலி: இதற்கிடையே கோலிவுட்டின் தற்போதைய மோஸ்ட் வாண்டட் இயக்குநராக திகழ்ந்துகொண்டிருக்கிறார் லோகேஷ் கனகராஜ். அவர் கமல் ஹாசனை வைத்து விக்ரம் என்ற மெகா ஹிட் படத்தை கொடுத்தார். அடுத்து அவர் இயக்கிய லியோ படம் சறுக்கியது. சூழல் இப்படி இருக்க ரஜினியை வைத்து கூலி படத்தை இயக்குகிறார் அவர். சன் பிக்சர்ஸ் நிறுவனம் படத்தை தயாரிக்கிறது. படத்தின் டைட்டில் டீசர் வெளியாகி பெரும் வரவேற்பை பெற்றது. கமலுக்கு கொடுத்த மெகா ஹிட் போல ரஜினிக்கும் லோகேஷ் மெகா ஹிட் கொடுப்பாரா என்பதை பொறுத்திருந்து பார்ப்போம்.
அர்ஜுன் மகள் திருமண வரவேற்பு: இதற்கிடையே ஆக்ஷன் கிங் அர்ஜுனின் மகள் ஐஸ்வர்யாவுக்கும், தம்பி ராமைய்யாவின் மகன் உமாபதிக்கும் கடந்த 10ஆம் தேதி திருமணம் நடந்தது. அதனையடுத்து திருமண வரவேற்பு நடந்தது. இதில் திரையுலகத்தை சேர்ந்த பிரபலங்கள் கலந்துகொண்டார்கள். அந்தவகையில் ரஜினிகாந்த்தும் தனது மூத்த மகள் ஐஸ்வர்யாவுடன் கலந்துகொண்டார்.
அப்போது மேடையில் நின்றிருந்த மணமக்களை வாழ்த்திவிட்டு தான் கொண்டு வந்திருந்த கிஃப்ட்டை அவர்களிடம் நீட்டினார். ஆனால் அங்கு நின்றுகொண்டிருந்த மணமக்களோ, அர்ஜுனோ, தம்பி ராமைய்யாவோ அதை கண்டுகொள்ளவில்லை. இதனையடுத்து ரஜினிகாந்த்தே அந்த கிஃப்ட்டை ஓரமாக வைத்துவிட்டார். இதனைப் பார்த்த ரசிகர்கள், என்ன இது தலைவருக்கு வந்த சோதனை என்று கமெண்ட்ஸ் செய்துவருகின்றனர்.
Continue with Google