ஆம், கத்ரீனாவும் நானும் காதலிக்கிறோம்... அடுத்தாண்டு "டும் டும் டும்" : ரன்பீர் கபூர் அறிவிப்பு

உண்மை தான்...

நானும், கத்ரீனாவும் காதலிப்பது உண்மை தான். தற்போது, இருவருக்குமே கணிசமான படங்கள் கைவசம் உள்ளன. இதனால், திருமணத்தை தள்ளி போட்டுள்ளோம்.

அடுத்தாண்டு திருமணம்...

கண்டிப்பாக, அடுத்தாண்டு திருமணம் நடக்கும். இருவீட்டாரும், இதற்கான ஏற்பாடுகளை செய்து வருகின்றனர்.

இது தான் சரியான வயது...

எனக்கு 33 வயதாகி விட்டது. இல்லற வாழ்க்கையை துவங்குவதற்கு இது தான் சரியான நேரம் என நினைக்கிறேன்' எனத் தெரிவித்துள்ளார்.

3 படங்களில் ஜோடி...

ரன்பீர் கபூர், பஞ்சாப்பை பூர்விகமாக உடையவர். கத்ரீனாவின் தந்தை, முகமது கைப் ஜம்மு - காஷ்மீர் மாநிலத்தைச் சேர்ந்தவர், தாயார் பிரிட்டனைச் சேர்ந்தவர். கத்ரீனாவும், ரன்பீர் கபூரும் இதுவரை மூன்று படங்களில் ஜோடி சேர்ந்து நடித்துள்ளனர் என்பது குறிப்பிடத்தக்கது.

முன்பு தீபிகாவுடன்...

ரன்பீர் கபூரும், தீபிகா படுகோனேவும் முன்பு காதலித்து வந்ததாக கூறப்பட்டது. அதேபோல கத்ரீனா கைப், சல்மான் கானுடன் மிகவும் நெருக்கமாக நீண்ட காலம் இருந்தவர் என்பதும் குறிப்பிடத்தக்கது.

எப்படி அரசியலில் நிரந்தர எதிரிகள் இல்லையோ.. அதேபோல, காதலிலும் நிரந்தர காதலர்கள் இல்லை போலும்!