ஹவ்தா....??

பெங்களூரு: பாலிவுட் "பாடி ஸ்டார்" சல்மான் கான் கன்னடப் படத்தில் நடிக்கப் போவதாக பரபரப்பு கிளம்பியுள்ளது. ஆனால் யாரும் பீதி அடையத் தேவையில்லை.. இது நேரடி கன்னடப் படம் இல்லை.. கன்னடப் படத்தின் ரீமேக்காம்.

இந்தியைத் தாண்டி திரும்பிக் கூடப் பார்க்காதவர் சல்மான் கான். இந்த நிலையில் அவரையும் கன்னடப் படம் ஒன்றையும் இணைத்து செய்தி கிளம்பியுள்ளது.

கோய்மோய் என்ற இணையதளம் இதுகுறித்து வெளியிட்டுள்ள செய்தியில், கன்னடத்தில் வெளியான சங்கொல்லி ராயண்ணா படத்தின் ரீமேக்கில் சல்மான் கான் நடிக்கவுள்ளாராம். கன்னடத்தில் தர்ஷன் நடித்த வேடத்தில் சல்மான் நடிப்பாராம்.

ஏற்கனவே போக்கிரி, பாடிகார்ட் உள்ளிட்ட தமிழ் படங்களின் ரீமேக்கில் நடித்தவர் சல்மான் கான். இந்த நிலையில் கன்னட ரீமேக்கில் அவர் கை வைக்கவுள்ளார்.

தற்போது 3 படங்களில் பிசியாக நடித்து வருகிறார் சல்மான். அதை முடித்து விட்டு இந்த கன்னட ரீமேக்குக்கு வருவார் என்கிறார்கள்.

ஹவ்தா (அப்படியா) சல்மான்ஜி?!