மறுபடியும் முதல்லா இருந்தா?... சல்மானுடன் ஜோடியாக வந்த மாஜி காதலி சங்கீதா பிஜ்லானி

மிஸ் இந்தியா

1980ம் ஆண்டு மிஸ் இந்தியா பட்டம் வென்றவர் சங்கீதா பிஜ்லானி. இதையடுத்து அவர் நடிக்க வந்தார். 80களின் இறுதியில் அவரும் சல்மான் கானும் தீவிரமாக காதலித்தனர். 90களின் ஆரம்பம் வரை இது நீடித்தது.

அஸாருடன் திருமணம்

அதன் பின்னர் சல்மானை விட்டுப் பிரிந்தார் சங்கீதா. அதைத் தொடர்ந்து அஸாருதீனை காதலித்தார். அவரையே திருமணமும் செய்து கொண்டார். பின்னர் இந்த ஜோடி பிரிந்து போனது.

மீண்டும் நட்பு

அஸாருதீனை விட்டுப் பிரிந்த பின்னர் சங்கீதாவுக்குத் தேவையானதை சல்மான் கான் செய்து வந்ததாக கூறப்படுகிறது. இந்த நிலையில்தான் இருவரும் மீண்டும் நட்பாக பழகத் தொடங்கியுள்ளனராம்.

சல்மானை விட மூத்தவர்

சல்மான் கானை விட வயதில் மூத்தவர் சங்கீதா பிஜ்லானி. இருப்பினும் இந்த வயது வித்தியாசம் இவர்களின் நட்புக்கும், காதலுக்கும் எப்போதும் தடையாக இருந்ததில்லை.

பாகுபலி படத்தின்போது

இந்த நிலையில் மும்பையில் நடந்த பாகுபலி சிறப்புக் காட்சியின்போது சல்மானும், சங்கீதாவும் ஒரே காரில் சேர்ந்து வந்தனர். இதைப் பார்த்த புகைப்படக்காரர்கள் அவர்களைப் படம் பிடிக்க ஆயத்தமானார்கள்.

ரெடியான சல்மான்.. விலகிப் போன சங்கீதா

இருவரையும் சேர்த்துப் படம் பிடிக்க விரும்புவதாக சல்மானிடம் அவர்கள் கேட்க, அதற்கு சல்மானும் அனுமதி கொடுத்த போஸ் கொடுக்க வருமாறு சங்கீதாவை அழைத்தார். ஆனால் சங்கீதா அவர் கூப்பிட்டது காதில் விழாதது போல நகர்ந்து போய் விட்டார். அவருக்கு சல்மானுடன் சேர்ந்து போஸ் தர விருப்பமில்லை என்று தெரிகிறது.

சல்மானின் காதல்கள்

சல்மானின் காதல்களை பெரிய பட்டியலே போடலாம். அவரது நட்பு வட்டாரத்திலிருந்து காதல் வட்டாரத்தில் விழுந்தவர்களில் சங்கீதா, ஐஸ்வர்யா ராய், காத்ரீனா கைப் ஆகியோர் முக்கியமானவர்கள்.