ப்ளீஸ்...என்னை என் குடும்பத்தோடு மகிழ்ச்சியாக இருக்க விடுங்கள்: சஞ்சய் தத் வேண்டுகோள்

சுதந்திரப்பறவை....

வரும் 16ம் தேதி மீண்டும் சஞ்சய் சிறைக்கு திரும்ப வேண்டும். எனவே இடைப்பட்ட நாட்களை தனது குடும்பத்தோடு மகிழ்ச்சியாக கழிக்கத் திட்டமிட்டுள்ளாராம் சஞ்சய்.

பரோல்....

மூன்று மாதங்களுக்கு முன்பே, பரோலுக்காக சஞ்சய் விண்ணப்பித்திருந்தார். தற்போது அவரது சகோதரி நம்ரதா கட்டிய இருபதாயிரம் ரூபாய்க்கான பணையத் தொகை மூலமே சஞ்சய் வெளியே வந்துள்ளதாகத் தெரிகிறது.

வெற்றித் திலகம்....

சிகப்பு வண்ண சட்டை அணிந்து, நெற்றியில் திலகமிடப்பட்டு வீட்டிற்குள் அழைத்துச் செல்லப்பட்டார் சஞ்சய்.

நன்றி...

அதற்கு முன் பத்திரிக்கையாளர்களிடம் பேசிய சஞ்சய் தத், ‘சட்டத்தை நான் மதிக்கிறேன். அதேபோல், பத்திரிக்கையாளர்களுக்கு என்னுடைய வேண்டுகோள் ஒன்றே ஒன்று தான். அதாகப்பட்டது என்னை என் குடும்பத்தோடு கிடைத்துள்ள குறைந்த நேரத்தை மகிழ்ச்சியாக செலவிட உதவுங்கள். என் ரசிகர்களுக்கும், ஊடகங்களுக்கும் எனது நன்றியைத் தெரிவித்துக் கொள்கிறேன்' என்றார்.

எடை குறைந்த சஞ்சய்...

சஞ்சய் தத்தின் நண்பரும், படத் தயாரிப்பாளருமான மகேஷ் பட், சஞ்சய் தத் பரோலில் விடுதலையானது குறித்து கூறுகையில், ‘சஞ்சய் கிட்டத்தட்ட 14லிருந்து 15 கி வரை எடை குறைந்துள்ளார். இந்த 14 நாட்களில் அவருக்கும், அவரது குடும்பத்தினருக்குமான சுதந்திரம் மிகவும் அவசியமானது' எனத் தெரிவித்தார்.